കൊച്ചി: കേരള മെർച്ചന്റ്സ് ചേംബർ ഓഫ് കൊമേഴ്സ് (KMCC) സംഘടിപ്പിച്ച ഓണാഘോഷം 2026 വർണാഭമായ പരിപാടികളോടെ സമാപിച്ചു. ടി.ഡി. റോഡിലെ എസ്.എസ്. കലാമന്ദിർ ഓഡിറ്റോറിയത്തിൽ നടന്ന ആഘോഷച്ചടങ്ങിൽ എറണാകുളം ജില്ലാ കലക്ടർ ശ്രീമതി ജി. പ്രിയങ്ക, IAS മുഖ്യാതിഥിയായി പങ്കെടുത്ത് ഓണസന്ദേശം നൽകി.സമൂഹത്തിൽ സ്നേഹവും സാഹോദര്യവും ഐക്യവും സമത്വബോധവും ഊട്ടിയുറപ്പിക്കുന്ന മഹത്തായ ആഘോഷമാണ് ഓണം എന്ന് ജില്ലാ കലക്ടർ പറഞ്ഞു. വ്യാപാര സമൂഹത്തിന്റെ സാമൂഹിക പ്രതിബദ്ധതയും കൂട്ടായ്മയും മാതൃകാപരമാണെന്നും അവർ അഭിപ്രായപ്പെട്ടു.ഓണാഘോഷത്തിന്റെ ഭാഗമായി സംഘടിപ്പിച്ച പൂക്കള മത്സരത്തിൽ സമ്മാനാർഹരായവർക്ക് കേരള അഡ്വക്കേറ്റ് ജനറൽ അഡ്വ. ജാജു ബാബു സമ്മാനങ്ങൾ വിതരണം ചെയ്തു. വിവിധ നിറങ്ങളിലും രൂപകല്പനകളിലും ഒരുക്കിയ മനോഹരമായ പൂക്കളങ്ങൾ ആഘോഷത്തിന് പ്രത്യേക ഭംഗി പകർന്നു.ചടങ്ങിൽ കെഎംസിസി ജനറൽ സെക്രട്ടറി വി. ഇ. അൻവർ അധ്യക്ഷത വഹിച്ചു. കെഎംസിസി പ്രസിഡന്റ് പി. നിസാർ ആശംസകൾ നേർന്നു. ട്രഷറർ ജി. ഗോപാല ഷെണായി നന്ദി രേഖപ്പെടുത്തി.തുടർന്ന് നടന്ന വൈവിധ്യമാർന്ന കലാപരിപാടികൾ സദസ്സിന് മികച്ച ദൃശ്യവിരുന്നായി. കെഎംസിസി അംഗങ്ങളും കുടുംബാംഗങ്ങളും അവതരിപ്പിച്ച വിവിധ കലാപരിപാടികൾ ഓണാഘോഷത്തിന് കൂടുതൽ ആവേശവും നിറപ്പകിട്ടും നൽകി.ചടങ്ങിന്റെ ഭാഗമായി നടന്ന ഓണസദ്യയും കൂട്ടായ്മയുടെ ഊഷ്മളതയും ആഘോഷത്തിന്റെ പാരമ്പര്യ ഭംഗിയും വിളിച്ചോതുന്നതായി.വ്യാപാര സമൂഹത്തിന്റെ ഐക്യവും സാമൂഹിക ഉത്തരവാദിത്വവും സാംസ്കാരിക പൈതൃകവും ഒരുമിച്ച് ആഘോഷിച്ചുകൊണ്ടുള്ള കെഎംസിസിയുടെ ഓണാഘോഷം ശ്രദ്ധേയമായി.
Photo Courtesy - Google
