നാല് യുവതാരങ്ങൾക്ക് മെൽബണിൽ നടക്കുന്ന ഓസ്‌ട്രേലിയൻ ഓപ്പൺ 2027-ൽ ഔദ്യോഗിക ബോൾകിഡ്‌സായി ഇന്ത്യയെ പ്രതിനിധീകരിക്കാൻ അവസരം.

· 2026 ഒക്ടോബർ 24, 25 തീയതികളിൽ ന്യൂഡൽഹിയിലെ ആർ.കെ. ഖന്ന ടെന്നീസ് സ്റ്റേഡിയത്തിൽ** നടന്ന ദേശീയതല പരീക്ഷണങ്ങളിൽ ഡൽഹി, മുംബൈ, ബെംഗളൂരു എന്നിവിടങ്ങളിൽനിന്നുള്ള 60 പേർ പങ്കെടുത്തു.

· പ്രൊഫഷണൽ ടെന്നീസ് മത്സരങ്ങളുടെ നടത്തിപ്പിന് ആവശ്യമായ ചുറുചുറുക്ക്, ഏകോപനശേഷി, ശ്രദ്ധ, പ്രതികരണശേഷി, കൂട്ടായ പ്രവർത്തനം എന്നിവയുടെ അടിസ്ഥാനത്തിലായിരുന്നു വിലയിരുത്തൽ.

· ഓസ്‌ട്രേലിയൻ ഓപ്പണുമായുള്ള കിയയുടെ *24 വർഷത്തിലേറെ നീളുന്ന പങ്കാളിത്തത്തിന്റെ* തുടർച്ചയായി, ഗ്രാൻഡ്‌സ്ലാം ടൂർണമെന്റിന്റെ നേരിട്ടുള്ള അനുഭവം യുവ ഇന്ത്യക്കാർക്ക് ലഭ്യമാക്കുന്നതാണ് ഈ സംരംഭം.

ന്യൂഡൽഹി, 2026 ഒക്ടോബർ 30: ഇന്ത്യയിലെ പ്രമുഖ മാസ്-പ്രീമിയം വാഹന നിർമാതാക്കളിലൊന്നും ഓസ്‌ട്രേലിയൻ ഓപ്പണിന്റെ ദീർഘകാല പങ്കാളിയുമായ കിയ ഇന്ത്യ, AO27 ബോൾകിഡ്‌സ് പരിപാടിയുടെ ദേശീയതല പരീക്ഷണങ്ങൾ ന്യൂഡൽഹിയിലെ ആർ.കെ. ഖന്ന ടെന്നീസ് സ്റ്റേഡിയത്തിൽ വിജയകരമായി പൂർത്തിയാക്കി. ഡൽഹി, മുംബൈ, ബെംഗളൂരു എന്നിവിടങ്ങളിൽ നടന്ന നഗരതല പരീക്ഷണങ്ങളിലൂടെ തിരഞ്ഞെടുക്കപ്പെട്ട 60 പേരാണ് ദേശീയതല പരീക്ഷണങ്ങളിൽ പങ്കെടുത്തത്. ഇതിൽനിന്ന് നാല് യുവപ്രതിഭകളെ തിരഞ്ഞെടുത്തു. മെൽബണിൽ നടക്കുന്ന ഓസ്‌ട്രേലിയൻ ഓപ്പൺ 2027-ൽ ഔദ്യോഗിക ബോൾകിഡ്‌സായി പങ്കെടുക്കാനും ഇന്ത്യയെ പ്രതിനിധീകരിക്കാനുമുള്ള അവസരമാണ് ഇവർക്ക് ലഭിക്കുന്നത്.

ഡിജിറ്റൽ രജിസ്‌ട്രേഷനോടെയാണ് തിരഞ്ഞെടുപ്പ് നടപടികൾ ആരംഭിച്ചത്. തുടർന്ന് ഡൽഹി, മുംബൈ, ബെംഗളൂരു എന്നിവിടങ്ങളിൽ നടന്ന നഗരതല പരീക്ഷണങ്ങളിലൂടെ 60 പേരെ ദേശീയതല പരീക്ഷണങ്ങളിലേക്ക് തിരഞ്ഞെടുത്തു. ഇതിൽ 24 പേർ അന്തിമഘട്ടത്തിലെത്തി. ചുറുചുറുക്ക്, ഏകോപനശേഷി, ശ്രദ്ധ, പ്രതികരണശേഷി, ആശയവിനിമയ മികവ്, കൂട്ടായ പ്രവർത്തനം തുടങ്ങിയ കഴിവുകളാണ് അന്തിമഘട്ടത്തിൽ വിലയിരുത്തിയത്. ലോകോത്തര ടെന്നീസ് മത്സരങ്ങളുടെ നടത്തിപ്പിൽ നിർണായകമായ കഴിവുകളാണിവ.

തിരഞ്ഞെടുക്കപ്പെട്ട നാല് പേർക്ക് മെൽബണിൽ നടക്കുന്ന ഓസ്‌ട്രേലിയൻ ഓപ്പൺ 2027-ൽ ഔദ്യോഗിക ബോൾകിഡ്‌സായി പങ്കെടുക്കാനും ഇന്ത്യയെ പ്രതിനിധീകരിക്കാനും അവസരം ലഭിക്കും. അന്താരാഷ്ട്ര ഗ്രാൻഡ്‌സ്ലാം ടൂർണമെന്റിന്റെ വലുപ്പം, കൃത്യത, മത്സരങ്ങളുടെ തീവ്രത എന്നിവ നേരിട്ട് അനുഭവിച്ചറിയാൻ ഈ അവസരം സഹായിക്കും. മത്സരങ്ങളുടെ പിന്നണിയിൽ പ്രവർത്തിക്കുന്ന പ്രൊഫഷണലിസം, അച്ചടക്കം, കൂട്ടായ പ്രവർത്തനം എന്നിവ മനസ്സിലാക്കുന്നതിനൊപ്പം കളിക്കളത്തിന് പുറത്തുള്ള ടെന്നീസിന്റെ വിവിധ തലങ്ങളെക്കുറിച്ചും അവർക്ക് അറിവ് നേടാനാകും.

*കിയ ഇന്ത്യ സീനിയർ വൈസ് പ്രസിഡന്റ് – സെയിൽസ് ആൻഡ് മാർക്കറ്റിങ് അതുൽ സൂദ്* പറഞ്ഞു: “ഓസ്‌ട്രേലിയൻ ഓപ്പണുമായുള്ള കിയയുടെ ദീർഘകാല ബന്ധം ടെന്നീസിനോടുള്ള ഞങ്ങളുടെ പ്രതിബദ്ധതയുടെയും അടുത്ത തലമുറയെ പ്രചോദിപ്പിക്കാനുള്ള ശ്രമങ്ങളുടെയും പ്രതിഫലനമാണ്. AO27 ബോൾകിഡ്‌സ് പരിപാടിയിലൂടെ ലോകോത്തര ടെന്നീസ് അനുഭവിക്കാനും ആഗോള കായിക വേദിയിൽ ഇന്ത്യയെ പ്രതിനിധീകരിക്കാനും യുവ ഇന്ത്യക്കാർക്ക് അവസരമൊരുക്കുകയാണ്. തിരഞ്ഞെടുക്കപ്പെട്ട നാല് പേരെയും ഞങ്ങൾ അഭിനന്ദിക്കുന്നു. മെൽബനിൽ നടക്കുന്ന ഓസ്‌ട്രേലിയൻ ഓപ്പൺ 2027-ൽ അവരെ കാണാൻ കാത്തിരിക്കുന്നു.”

ഓസ്‌ട്രേലിയൻ ഓപ്പണിന്റെ ഔദ്യോഗിക വാഹന പങ്കാളിയായി 24 വർഷത്തിലേറെയായി തുടരുന്ന കിയയുടെ ബന്ധത്തിന്റെ തുടർച്ചയാണ് ഈ സംരംഭം. ടെന്നീസുമായുള്ള ബന്ധം കൂടുതൽ ആഴത്തിലാക്കുന്നതിനും യുവാക്കൾക്ക് അർഥവത്തായ അവസരങ്ങൾ സൃഷ്ടിക്കുന്നതിനുമുള്ള കിയ ഇന്ത്യയുടെ പ്രതിബദ്ധതയാണ് ബോൾകിഡ്‌സ് പരിപാടി വ്യക്തമാക്കുന്നത്. കായികരംഗത്തെ ഏറ്റവും പ്രശസ്തമായ അന്താരാഷ്ട്ര ടൂർണമെന്റുകളിലൊന്നിന്റെ ഭാഗമാകാൻ യുവപ്രതിഭകൾക്ക് അവസരമൊരുക്കുന്നതിലൂടെ, പങ്കാളിത്തം പ്രോത്സാഹിപ്പിക്കുക, അഭിലാഷങ്ങൾക്ക് പിന്തുണ നൽകുക, കായികരംഗത്തിലൂടെ സമൂഹങ്ങളെ ബന്ധിപ്പിക്കുക എന്നീ ആശയങ്ങൾ ഉൾക്കൊള്ളുന്ന കിയയുടെ ‘മൂവ്‌മെന്റ് ദാറ്റ് ഇൻസ്‌പയേഴ്‌സ്’ എന്ന വിശാലമായ തത്ത്വചിന്തയും ഈ സംരംഭം മുന്നോട്ടുവയ്ക്കുന്നു.