ദോഹ: ദോഹ സ്റ്റേഡിയ ത്തിൽ നടന്നുവരുന്നഖിയ ചാമ്പ്യൻസ് ലീഗിന്റെ ആദ്യ ഗ്രൂപ്പ് ഘട്ട മത്സരത്തിൽ ഗ്രാൻഡ് മാൾ എഫ്‌സി ഖത്തർ തമിഴ്ർ സംഗം എഫ്‌സിക്കെതിരെ 2-1 എന്ന സ്കോറിന് വിജയം നേടി. വിംഗർ ഇമ്രാൻ മാൻ ഓഫ് ദ മാച്ചിനു അർഹനായി. ഇരു ടീമുകളും മികച്ച കളി കാഴ്ചവെച്ചിരുന്നു. 
ആവേശകരമായ രണ്ടാമത്തെ മത്സരത്തിൽ ഇൻകാസ് ഖത്തർ എഫ്‌സി, കരുത്തരായ ഫിഫ മഞ്ചേരി എഫ്‌സിക്കെതിരെ 2-2 എന്ന നാടകീയ സമനില നേടി. കാണികളെ മുൾമുനയിൽ നിർത്തിയ മത്സരത്തിൽ അവസാന നിമിഷങ്ങളിൽ അതിശയകരമായ ഒരു ഗോളിലൂടെയാണ് INCAS സമനില നേടിയത് . സമ്മർദ്ദ ഘട്ടത്തിലും ഗോൾകീപ്പർ സയീദുൽ അമൻ മികച്ച പ്രകടനം കാഴ്ചവച്ചു, നിർണായക സേവുകൾ നടത്തിയ ഇൻകാസ് ഗോൾ കീപ്പർ സയീദുൽ അമൻ മാൻ ഓഫ് ദ മാച്ച് അവാർഡിന് അർഹനായി. 
വെള്ളിയാഴ്ച നടന്ന ആദ്യ മത്സരത്തിൽ ഹാഡോക്ക് മാംഗ്ലൂർ എഫ്‌സിയെ 9-1 എന്ന സ്കോറിന് തകർത്തുകൊണ്ട് ഫാൻ ഫോർ എവർ എഫ്‌സി എഫ്‌സി ഒരു തകർപ്പൻ തിരിച്ചു വരവ് നടത്തി. സെന്റർ ഫോർവേഡ് ഗുൽക്രീത് സിങ് കളം നിറഞ്ഞു കളിച്ചു 5 ഗോളുകൾ നേടുകയും 2 അസിസ്റ്റുകളും നൽകുകയും ചെയ്തു, ഗുൽക്രീത് സിങ് തന്നെയായിരുന്നു കളിയിലെ കേമൻ. ആദ്യ വിസിൽ മുതൽ തന്നെ FAN4EVER എഫ്‌സി ആധിപത്യം സ്ഥാപിച്ചു, ആക്രമണ ഫുട്‌ബോളിന്റെയും ക്ലിനിക്കൽ ഫിനിഷിംഗിന്റെയും മികച്ച പ്രകടനം കാഴ്ചവച്ചു. എതിരാളികളുടെ നിരന്തരമായ വേഗതയും കൃത്യതയും നിയന്ത്രിക്കാൻ ഹാഡോക്ക് മാംഗ്ലൂർ പാടുപെട്ടു.
ഏകപക്ഷീയമായ മത്സരത്തിൽ ഫ്രണ്ട്‌സ് ഓഫ് തൃശൂർ എഫ്‌സിയെ 4-0 ന് പരാജയപ്പെടുത്തി സിറ്റി എക്‌സ്‌ചേഞ്ച് എഫ്‌സി ഗ്രൂപ്പിൽ ഒന്നാം സ്ഥാനം കരസ്ഥമാക്കാൻ ഒരു പടികൂടി കടന്നു. മുന്നേറ്റ നിരയിലെ ഷിജിൻ രണ്ട് ഗോളുകൾ നേടുകയും ഒരു അസിസ്റ്റ് നൽകുകയും ചെയ്തു. അദ്ദേഹത്തിന്റെ മികച്ച പ്രകടനം അദ്ദേഹത്തിന് മാൻ ഓഫ് ദി മാച്ച് അവാർഡ് നേടിക്കൊടുത്തു