01:08am 20 November 2026
NEWS
മദ്യനയത്തിൽ മാറ്റം; കരട് ആദ്യം ചർച്ച ചെയ്യുക യുഡിഎഫ് ഉപസമിതി; അധ്യക്ഷനെ കെപിസിസി തീരുമാനിക്കും
18/11/2026  03:37 PM IST
nila
മദ്യനയത്തിൽ മാറ്റം; കരട് ആദ്യം ചർച്ച ചെയ്യുക യുഡിഎഫ് ഉപസമിതി; അധ്യക്ഷനെ കെപിസിസി തീരുമാനിക്കും

 

തിരുവനന്തപുരം: സംസ്ഥാനത്തിന്റെ പുതിയ മദ്യനയം രൂപീകരിക്കുന്നതുമായി ബന്ധപ്പെട്ട നടപടിക്രമങ്ങളിൽ മാറ്റം വരുത്തി സർക്കാർ. മദ്യനയത്തിന്റെ കരട് ആദ്യം മുഖ്യമന്ത്രിക്ക് കൈമാറുമെന്ന മുൻ തീരുമാനം തിരുത്തി, യുഡിഎഫ് ഉപസമിതിയിൽ ചർച്ച ചെയ്തശേഷം മുന്നോട്ടുപോകാനാണ് പുതിയ തീരുമാനം. മന്ത്രിസഭാ യോഗത്തിലാണ് ഇതുസംബന്ധിച്ച ധാരണയായത്.

കോൺഗ്രസ് നേതാവായിരിക്കും ഉപസമിതിയുടെ അധ്യക്ഷൻ. ആരെ ഈ സ്ഥാനത്തേക്ക് നിയോഗിക്കണമെന്ന കാര്യത്തിൽ കെപിസിസി പ്രസിഡന്റ് തീരുമാനമെടുക്കും. യുഡിഎഫിലെ മറ്റ് ഘടകകക്ഷികൾക്കും സമിതിയിൽ പ്രാതിനിധ്യമുണ്ടാകും.

ഈ മാസം 30നു മുൻപ് പുതിയ മദ്യനയം പ്രഖ്യാപിക്കാനാണ് സർക്കാർ ലക്ഷ്യമിടുന്നത്. അതിനുള്ളിൽ കരട് നയത്തിൽ മുന്നണിതല ചർച്ചകൾ പൂർത്തിയാക്കും.

അതിനിടെ, മന്ത്രിസഭാ യോഗത്തിൽ മുഖ്യമന്ത്രി വി.ഡി. സതീശനെതിരെ മന്ത്രിമാർ കടുത്ത അതൃപ്തി പ്രകടിപ്പിച്ചതിനു പിന്നാലെയാണ് മദ്യനയത്തിന്റെ കാര്യത്തിലും നിർണായക മാറ്റമുണ്ടായത്. സർക്കാരിലെ പല പ്രധാനപ്പെട്ട വിഷയങ്ങളും അറിയുന്നില്ലെന്ന പരാതിയുമായി മന്ത്രിമാർ രംഗത്തെത്തിയിരുന്നു. 

ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
KERALA
img