കൊച്ചിയിൽ നടന്ന കേരളോത്സവം ഡോ.എം.സി. ദിലീപ് കുമാർ ഉദ്ഘാടനം ചെയ്യുന്നു.ആന്റോ ജോസഫ്,
മാത്യു മുണ്ടാട്ട്, ഗിരിജ സേതുനാഥ്‌, ഊർമിള ഉണ്ണി, റോയ് മണപ്പള്ളിൽ എന്നിവർ സമീപം.
കൊച്ചി: കേരള പിറവി ദിനത്തോടനുബന്ധിച്ചു എറണാകുളം YMCA യും ദൃശ്യ ഗ്ലോബൽ മീഡിയയും ചേർന്ന് സംഘടിപ്പിച്ച കേരളോത്സവം വലിയൊരു സാംസ്കാരിക സംഗമമായി. എറണാകുളം YMCA പ്രസിഡന്റ് മാത്യു മുണ്ടാട്ടിന്റെ അധ്യക്ഷതയിൽ നടന്ന പരിപാടി സംസ്‌കൃത സർവകലാശാല മുൻ വൈസ് ചാൻസലർ ഡോ.എം.സി. ദിലീപ് കുമാർ ഉദ്ഘാടനം ചെയ്തു. ദൃശ്യ ചെയർമാനും ചലച്ചിത്ര സംവിധായകനുമായ റോയ് മണപ്പള്ളിൽ, പ്രശസ്ത സാഹിത്യകാരി ഗിരിജ സേതുനാഥ്‌, വൈ.എം.സി.എ ഭാരവാഹികളായ
ഷോൺ ജെഫ് ക്രിസ്റ്റഫർ, ആന്റോ ജോസഫ്, ചലച്ചിത്ര താരങ്ങളായ ഊർമിള ഉണ്ണി, ടോം ജേക്കബ്, രാജാസാഹിബ്, ജോയ് ജോൺ, മെന്റലിസ്റ് നിപിൻ നിരവത്ത്, സാഹിത്യകാരി ശശികല മേനോൻ, ബാബു വെളപ്പായ, ജോസ് മാവേലി, കെ. ഡി. സെബാസ്റ്റ്യൻ തുടങ്ങിയവർ പ്രസംഗിച്ചു.
അലോഷ്യസ് പെരേര, മിനി അനിൽ, രാധിക അശോക്, ഹരി ഗോവിന്ദ്, വി.ശോഭന, പോൾസൺ, റെഞ്ചു പിറവം, കെ.ടി.മോഹനൻ, ജയമാല, എസ്.ദിനേശ്, റോയ് ആന്റണി, ബാബു ശരത് ചന്ദ്രൻ, ശരത് മോഹൻ തുടങ്ങി പതിനഞ്ചിലധികം ഗായകർ അവതരിപ്പിച്ച സംഗീത സന്ധ്യ ഹൃദ്യമായൊരു അനുഭവമായിരുന്നു.
