​തിരുവനന്തപുരം: സർക്കാർ ആർട്സ് ആൻഡ് സയൻസ് കോളേജുകളിലെ പ്രിൻസിപ്പൽ നിയമനത്തിനായി തയ്യാറാക്കിയ സെലക്ട് ലിസ്റ്റ്  പ്രകാരമുള്ള തുടർനടപടികൾ മൂന്നാഴ്ചത്തേക്ക് സ്റ്റേ ചെയ്ത് കേരള അഡ്മിനിസ്ട്രേറ്റീവ് ട്രൈബ്യൂണൽ (K.A.T.) ഉത്തരവിട്ടു. Dr. Varghese Jacob സമർപ്പിച്ച  ഹർജിയിലാണ് ട്രൈബ്യൂണൽ ആക്ടിംഗ് ചെയർപേഴ്സൺ ജസ്റ്റിസ് പി.വി. ആശ, അഡ്മിനിസ്ട്രേറ്റീവ് മെമ്പർ ഡോ. പ്രദീപ് കുമാർ എന്നിവരടങ്ങിയ ഡിവിഷൻ ബെഞ്ച് ഈ ഉത്തരവ് പുറപ്പെടുവിച്ചത്.
  
​ കണ്ടെത്തലുകളും യു.ജി.സി. ചട്ടലംഘനവും

​2025 നവംബർ 10-ന് പുറത്തിറങ്ങിയ ഉത്തരവിൽ സെലക്ഷൻ കമ്മിറ്റിയുടെ നടപടിക്രമങ്ങളിൽ ചില അപാകതകൾ ട്രൈബ്യൂണൽ ചൂണ്ടിക്കാട്ടി:  
​റിസർച്ച് സ്കോർ നിശ്ചയിച്ചതിലെ അവ്യക്തത: റിസർച്ച് സ്കോറിൻ്റെ അടിസ്ഥാനത്തിൽ മാർക്ക് നിശ്ചയിച്ച രീതി വ്യക്തമാക്കുന്നില്ല. റിസർച്ച് സ്കോറിന് പരമാവധി 40 മാർക്ക് നിശ്ചയിച്ചതായും, 400-ഉം അതിനു മുകളിലുമുള്ള സ്കോറിന് 40 മാർക്കും, 111 മുതൽ 199 വരെയുള്ള സ്കോറിന് 11-19.9 മാർക്കും എന്നിങ്ങനെയാണ് നിശ്ചയിച്ചത് എന്നും മറുപടി സ്റ്റേറ്റ്മെൻ്റിൽ പറയുന്നു. 
 
​വെയിറ്റ് ലിസ്റ്റ് തയ്യാറാക്കിയതിലെ കാലതാമസം: സെലക്ഷൻ കമ്മിറ്റി യോഗം നടന്ന ദിവസം/അവസാന ദിവസം തന്നെ തിരഞ്ഞെടുക്കപ്പെട്ടവരുടെയും വെയിറ്റ് ലിസ്റ്റിലുള്ളവരുടെയും റാങ്ക് ലിസ്റ്റ് പ്രസിദ്ധീകരിക്കണമെന്ന UGC റെഗുലേഷൻസ് 2018-ലെ റൂൾ 5.1 VIII A വ്യവസ്ഥ ലംഘിക്കപ്പെട്ടു.  
​2025 സെപ്റ്റംബർ 18-ന് നടന്ന സെലക്ഷൻ കമ്മിറ്റി യോഗത്തിൽ 91 അപേക്ഷകർ യോഗ്യരാണെന്ന് കണ്ടെത്തി 51 ഒഴിവുകളിലേക്ക് സെലക്ട് ലിസ്റ്റ് തയ്യാറാക്കി.  
​എന്നാൽ, 2025 ഒക്ടോബർ 14-ന് ചേർന്ന അടുത്ത യോഗത്തിലാണ് 40 പേരുൾപ്പെട്ട വെയിറ്റ് ലിസ്റ്റ് തയ്യാറാക്കിയത്. നിയമോപദേശത്തിൻ്റെ അടിസ്ഥാനത്തിൽ വെയിറ്റ് ലിസ്റ്റ് സമർപ്പിക്കാൻ സർക്കാർ ആവശ്യപ്പെട്ടതിനെ തുടർന്നായിരുന്നു ഇത്.  

​സീനിയോറിറ്റി ക്രമം പാലിക്കാത്തത്: സെലക്ട് ലിസ്റ്റ് തയ്യാറാക്കുമ്പോൾ സീനിയോറിറ്റി ക്രമം പാലിക്കുന്നതുമായി ബന്ധപ്പെട്ട K S & SSR-ലെ റൂൾ 28 (b)(i) (7) വകുപ്പ് ഡി.പി.സി. (DPC) എന്തുകൊണ്ട് പിന്തുടർന്നില്ല എന്നും ട്രൈബ്യൂണൽ ചോദിച്ചു.  
​ട്രൈബ്യൂണൽ, അപേക്ഷകനായ Dr. Varghese Jacob സമർപ്പിച്ച Annexure A11 മുതൽ A15 വരെയുള്ള രേഖകൾ റെക്കോർഡിൻ്റെ ഭാഗമായി സ്വീകരിച്ചു. തുടർന്നാണ്  സെലക്ട് ലിസ്റ്റിൻ്റെ അടിസ്ഥാനത്തിലുള്ള തുടർനടപടികൾ മൂന്നാഴ്ചത്തേക്ക് സ്റ്റേ ചെയ്യാൻ ഉത്തരവായത്.