തിരുവനന്തപുരം:കീം (കേരള എൻട്രൻസ് എക്സാമിനേഷൻസ്) പരീക്ഷയുടെ റാങ്ക് നിർണയത്തിൽ ഹൈക്കോടതിയുടെ ഉത്തരവിനെ തുടർന്ന് വലിയ മാറ്റങ്ങൾ. പ്ലസ് ടു മാർക്ക് സമീകരണം പ്രോസ്പെക്ടസ് അനുസരിച്ച് തന്നെ നടത്തണമെന്ന് ഹൈക്കോടതി വിധിച്ചതോടെ നിലവിലുണ്ടായിരുന്ന റാങ്ക് പട്ടിക പൂർണ്ണമായും തിരുത്തി. ഇത് സർക്കാരിന്റെ അനാസ്ഥ കാരണമാണ് സംഭവിച്ചതെന്നും കോടതി നിരീക്ഷിച്ചു.
പുതിയ റാങ്ക് പട്ടിക പ്രഖ്യാപിച്ചപ്പോൾ ആദ്യ പട്ടികയിലെ ഒന്നാം റാങ്കുകാരനായിരുന്ന ജോൺ ഷിനോജ് ഏഴാം റാങ്കിലേക്ക് പിന്തള്ളപ്പെട്ടു. പുതിയ പട്ടികയിൽ സി.ബി.എസ്.ഇ. സിലബസിലെ തിരുവനന്തപുരം സ്വദേശി ജോഷ്വാ ജേക്കബ് തോമസാണ് ഒന്നാം റാങ്ക് നേടിയത്. ഇദ്ദേഹം ആദ്യ പട്ടികയിൽ അഞ്ചാം റാങ്കുകാരനായിരുന്നു.
പുതിയ റാങ്ക് പട്ടികയിലെ ആദ്യ 10 റാങ്കുകാർ ഇവരാണ്:
* ജോഷ്വാ ജേക്കബ് തോമസ് (തിരുവനന്തപുരം)
* ഹരികിഷൻ ബൈജു (എറണാകുളം)
* എമിൽ ഐപ്പ് സക്കറിയ (തിരുവനന്തപുരം)
* അദൽസയാൻ (കോഴിക്കോട്)
* അദ്വൈത് സന്ദീപ് (ബംഗളൂരു)
* അനന്യ രാജീവ് (ബംഗളൂരു)
* ജോൺ ഷിനോജ് (എറണാകുളം)
* അക്ഷയ് ബിജു (കോഴിക്കോട്)
* അച്യുത് വിനോദ് (കോഴിക്കോട്)
* അൻമോൾ ബൈജു (കോഴിക്കോട്)
പുതിയ റാങ്ക് പട്ടികയെക്കുറിച്ച് കൂടുതൽ വിവരങ്ങൾ www.cee.kerala.gov.in എന്ന വെബ്സൈറ്റിൽ ലഭ്യമാണ്. പുതിയ റാങ്ക് ലിസ്റ്റ് അനുസരിച്ച് പ്രവേശനത്തിനുള്ള ഓപ്ഷൻ അടുത്ത ദിവസങ്ങളിൽ ആരംഭിക്കും.
