ഖത്തർ മുൻ അമീറും രാഷ്ട്രനിർമാണത്തിലെ മഹാനായ ശിൽപിയുമായിരുന്ന ഹിസ് ഹൈനെസ് ഫാദർ അമീർ ഷെയ്ഖ് ഹമദ് ബിൻ ഖലീഫ അൽ താനിയുടെ നിര്യാണത്തിൽ കേരള ബിസിനസ് ഫോറം (KBF) അഗാധമായ ദുഃഖവും ഹൃദയംഗമമായ അനുശോചനവും രേഖപ്പെടുത്തുന്നു.
ഖത്തറിനെ ആധുനികവും സമ്പന്നവും ലോകശ്രദ്ധ നേടിയ രാഷ്ട്രമാക്കി ഉയർത്തുന്നതിൽ അദ്ദേഹത്തിന്റെ ദീർഘവീക്ഷണവും മാതൃകാപരമായ നേതൃത്വവും നിർണായക പങ്കുവഹിച്ചു. അദ്ദേഹത്തിന്റെ സംഭാവനകൾ ഖത്തറിന്റെ ചരിത്രത്തിൽ എന്നും സുവർണ്ണ അക്ഷരങ്ങളിൽ രേഖപ്പെടുത്തപ്പെടും.
ഈ ദുഃഖകരമായ വേളയിൽ, ഹിസ് ഹൈനെസ് അമീർ ഷെയ്ഖ് തമീം ബിൻ ഹമദ് അൽ താനിക്കും, അൽ താനി രാജകുടുംബത്തിനും, ഖത്തർ സർക്കാരിനും, ഖത്തറിലെ ജനങ്ങൾക്കും കേരള ബിസിനസ് ഫോറത്തിന്റെ പേരിൽ ഞങ്ങളുടെ ആത്മാർത്ഥമായ അനുശോചനം അറിയിക്കുന്നു.
പരേതന്റെ ആത്മാവിന് സർവ്വശക്തൻ നിത്യശാന്തി നൽകട്ടെ. അദ്ദേഹത്തിന്റെ കുടുംബാംഗങ്ങൾക്കും ഖത്തർ ജനതയ്ക്കും ഈ മഹത്തായ വേർപാടിന്റെ ദുഃഖം താങ്ങാനുള്ള ശക്തിയും ആശ്വാസവും ലഭിക്കട്ടെയെന്ന് പ്രാർത്ഥിക്കുന്നു.
കേരള ബിസിനസ് ഫോറം (KBF)
