പിതാവ് തള്ളിമാറ്റിയ കാർ ശരീരത്തിലേക്ക് വീണ് ഒന്നരവയസ്സുകാരിക്ക് ദാരുണാന്ത്യം. കാറഡുക്ക ബെള്ളിഗെ സ്വദേശി ഹരിദാസ്–ശ്രീവിദ്യ ദമ്പതികളുടെ മകൾ ഹൃദ്യനന്ദയാണ് മരിച്ചത്. ബന്ധുവിന്റെ ഗൃഹപ്രവേശന ചടങ്ങിനുശേഷം വീട്ടിലേക്ക് മടങ്ങവെയാണ് കുടുംബത്തിന് അപ്രതീക്ഷിത ദുരന്തം നേരിടേണ്ടി വന്നത്. റോഡിലെ ഓവുചാലിൽ വീണ കാർ തള്ളിക്കയറ്റാൻ ശ്രമിക്കവെ കുഞ്ഞിന്റെ ശരീരത്തിലേക്ക് മറിയുകയായിരുന്നു.
വീട്ടിൽ നിന്നും 50 മീറ്റർ മാത്രം അകലെവെച്ചാണ് സംഭവമുണ്ടായത്. പ്രധാന റോഡിൽനിന്ന് 100 മീറ്റർ താഴെയാണ് വീട്. 50 മീറ്റർ കഴിഞ്ഞാൽ പിന്നീടുള്ള വഴി ഇറക്കമാണ്. വെള്ളം ഒഴുക്കിവിടാൻ നിർമിച്ച ഓവുചാലിൽ കാറിന്റെ ചക്രം പുതഞ്ഞു. കാർ തള്ളി നീക്കാനായി ഹരിദാസ് കുടുംബത്തെ പുറത്തിറക്കി. കാർ തള്ളി നീക്കവേ മുന്നോട്ട് ഇറക്കത്തിലേക്ക് നീങ്ങി വശത്തെ ഭിത്തിയിൽ ഇടിച്ചു കുട്ടിയുടെ ദേഹത്തേക്ക് മറിയുകയായിരുന്നു. സഹോദരി–ദേവനന്ദ.
