കൊച്ചി : കണ്ണൂർ എയർപോർട്ടിനെ അന്തർദേശീയ എയർപോർട്ട് ആക്കി മാറ്റാനുള്ള കേരളത്തിന്റെ അപേക്ഷ സെപ്റ്റംബറിൽ നടക്കുന്ന ക്യാബിനറ്റ് യോഗത്തിൽ പരിഗണിക്കുമെന്ന് കേന്ദ്ര ധനകാര്യമന്ത്രി നിർമ്മല സീതാരാമൻ കേരളത്തിന്റെ ഡൽഹി പ്രതിനിധി പ്രൊഫ. കെ. വി തോമസിന് ഉറപ്പ് നൽകി.
ഇന്ന് ഡൽഹിയിൽ കേന്ദ്ര മന്ത്രിയുമായി നടത്തിയ കൂടിക്കാഴ്ചയിലാണ് ഉറപ്പ് ലഭിച്ചത്.
കണ്ണൂർ എയർപോർട്ട് കാർഗോ എക്സ്പോർട്ട് ഹബ്ബ് ആക്കി മാറ്റുന്നതിനു വേണ്ടി കസ്റ്റംസ് നിയമങ്ങളിൽ ഭേദഗതികൾ വരുത്താനുള്ള ഉത്തരവിലും മന്ത്രി ഒപ്പിട്ടു.
കേരളത്തിന് എയിംസ്, വയനാടിനുള്ള കേന്ദ്ര സഹായം, ഹൈസ്പീഡ് റെയിൽ പാത എന്നിവ സജീവ പരിഗണനയിലുണ്ടെന്നും മന്ത്രി അറിയിച്ചു.
കഴിഞ്ഞ രണ്ടു ദിവസമായി തോമസ് മാഷ് കേരളത്തിന്റെ വികസന കാര്യങ്ങൾ ഉപരാഷ്ട്രപതി ജഗ്ദീപ് ധൻകറുമായും നിർമ്മല സീതാരാമനുമായും ചർച്ച ചെയ്ത് വരികയാണ്. അനുകൂലമായ പ്രതികരണമാണ് കേന്ദ്രത്തിൽ നിന്ന് ഉണ്ടായതെന്നും അദ്ദേഹം അറിയിച്ചു.
Photo Courtesy - Google
