കാൽപന്ത് കളിയിൽ ചരിത്രമെഴുതാൻ കണ്ണൂർ വോറിയേഴ്സ് ഫുട്ബോൾ ക്ളബ്ബ്.
സൂപ്പർ ലീഗ് കേരള സീസൺ 2 ൽ പൊരുതാൻ കണ്ണൂർ വൊറിയേഴ്സ് ടീം ലോഞ്ച് ഇന്ന് പയ്യാമ്പലത്ത്.

2024 ലെ സീസൺ 1 ൽ സൂപ്പർ ലീഗ് കേരളയിൽ നടന്ന 10 മത്സരങ്ങളിൽ നാല് കളിയിൽ വിജയിച്ച് നാലിൽ സമനില പിടിച്ച കണ്ണൂർ വോറിയേഴ്സ് 
സെമിഫൈനൽ കളിച്ചു.
കണ്ണൂരിന്റെ ഫുട്ബോൾ പാരമ്പര്യവും 
അഭിമാനവും അഭിനിവേശവും ഉയർത്തി പിടിച്ച് സീസൺ 2 ൽ പോരാടാൻ കണ്ണൂർ വാരിയേഴ്സിന്റെ ചുണകുട്ടന്മാർ തയ്യാർ!!

 കണ്ണൂർ പയ്യാമ്പലം ബീച്ച് ഒരു പാട് ചരിത്ര സംഭവങ്ങൾക്ക് സാക്ഷ്യം വഹിച്ച
സുവർണ്ണ മണൽത്തരികളുറങ്ങുന്ന കടൽതീരം.
പയ്യാമ്പലത്തിന്റെ സൂര്യോദയവും അസ്തമനവും സാക്ഷ്യം വഹിച്ച മാമാങ്കങ്ങൾക്ക് കയ്യും കണക്കുമില്ല.
ഇതാ കേരളത്തിന്റെ ഫുട്ബോൾ മാമാങ്കം സൂപ്പർ ലീഗ് കേരള സീസൺ 2 ന്റെ ചരിത്രം ഇത്തവണ മാറ്റിയെഴുതുവാൻ 
കണ്ണൂർ വാരിയേഴ്സ് അങ്കം കുറിക്കുന്നു, എസ് എൽ കെ സീസൺ 2 ൽ പോരാടാൻ , വരുന്നു കണ്ണൂരിന്റെ ചുണകുട്ടികൾ , കീഴടക്കാൻ ജയിക്കാൻ!!
ആർത്തിരമ്പി തീരം തൊടാൻ ഒന്നിന് പുറകെ ഒന്നായി കുതിക്കുന്ന തിരമാലകൾ പോലെ , പന്തുമായി കുതിക്കാൻ വെമ്പുന്ന കണ്ണൂരിന്റെ കുതിരകൾ , കണ്ണൂർ വാരുയേഴ്സിന്റെ ചുണകുട്ടികൾ ഇതാ പയ്യാമ്പലം ബീച്ചിൽ അവതരിക്കുന്നു.
അറബി കടലിന്റെ ആഞ്ഞടിക്കുന്ന നീല തിരമാലകളേയും , വർണ്ണങ്ങൾ വാരി വിതറിയ ആകാശത്തേയും പയ്യാമ്പലം കടൽ തീരത്തെ സുവർണ്ണ മണൽത്തരികളേയും , സാക്ഷി നിർത്തി സൂപ്പർ ലീഗ് കേരളയിലേക്കുള്ള കണ്ണൂർ വാരിയേഴ്സ് എഫ സി ടീമിനെ അവതരിപ്പിക്കുന്നു.
പ്രമുഖ ഗൾഫ് വ്യവസായികളായ ഡോ. ഹസ്സൻകുഞ്ഞി എം പി, മിബുജോസ് നെറ്റിക്കാടൻ, കെ എം വർഗീസ്, ഈ പി അബ്ദുൾ റഹ്മാൻ തുടങ്ങിയവർ കണ്ണൂർ വാരിയേഴ്സ് ഫുട്ബോൾ ക്ളബ്ബിന്റെ ഖത്തറിൽ നിന്നുള്ള ഉടമകളാണ്.
സെപ്തംബർ 28ന് വൈകീട്ട് പയ്യാമ്പലം ബീച്ചിൽ നടക്കുന്ന കണ്ണൂർ വാരിയേഴ്സ് എഫ സി യുടെ ടീം ലോഞ്ചിലേക്ക് എല്ലാ ഫുട്ബോൾ പ്രേമികളേയും നാട്ടുകാരേയും പ്രത്യേകം ക്ഷണിക്കുന്നു.
വരുന്നു ഞങ്ങൾ പോരാടാനായി കീഴടക്കാനായി ജയിക്കുവാനായി!!!
ഇന്ന് വൈകീട്ട് ആരംഭിക്കുന്ന ചടങ്ങിൽ
കണ്ണൂർ വാരിയേഴ്സ് ടീം ലോഞ്ച്. പ്രശസ്ത നടനും ടീം അംബാസിഡറുമായ ആസിഫ് അലി നിർവ്വഹിക്കും.
നിരവധി പ്രമുഖ വ്യക്തികൾ പങ്കെടുക്കുന്ന ചടങ്ങിൽ നൃത്ത കലാ സംഗീത പരിപാടികളും അരങ്ങു തകർക്കും.