12:14pm 30 April 2026
NEWS
കനയ്യകുമാർ സന്ദർശിച്ചതിന് പിന്നാലെ ക്ഷേത്രം ഗംഗാജലം ഉപയോഗിച്ച് കഴുകി വൃത്തിയാക്കി
28/03/2025 11:49 AM IST
nila
കോൺഗ്രസ് നേതാവ് കനയ്യ കുമാർ സന്ദർശിച്ചതിന് പിന്നാലെ ക്ഷേത്രം ഗംഗാജലം ഉപയോഗിച്ച് കഴുകി ശുദ്ധമാക്കിയ സംഭവം വിവാദമാകുന്നു. ബിഹാറിലെ സഹർസ ജില്ലയിലെ ദുർഗ ക്ഷേത്രമാണ് കനയ്യകുമാർ സന്ദർശിച്ചതിന് പിന്നാലെ പ്രദേശവാസികൾ ഗംഗാജലം ഉപയോഗിച്ച് കഴുകിയത്. സംഭവത്തിൽ പ്രതിഷേധിച്ച് കോൺഗ്രസ് രംഗത്തെത്തി. ക്ഷേത്രം കഴുകിയത് ബിജെപി പ്രവർത്തകരാണെന്നും കോൺഗ്രസ് ആരോപിക്കുന്നു.
പലായനം അവസാനിപ്പിക്കുക, ജോലി നൽകുക എന്ന മുദ്രാവാക്യവുമായി കനയ്യ സംസ്ഥാനത്ത് നടത്തുന്ന യാത്രയുടെ ഭാഗമായാണ് ക്ഷേത്രത്തിലെത്തിയത്. ക്ഷേത്രത്തിലെ മണ്ഡപത്തിൽ നിന്ന് കനയ്യ നാട്ടുകാരെ അഭിസംബോധന ചെയ്യുകയും ചെയ്തിരുന്നു. ഇതിന് പിന്നാലെയാണ് പ്രദേശവാസികൾ ക്ഷേത്രം കഴുകി വൃത്തിയാക്കിയതെന്നാണ് ആരോപണം. ക്ഷേത്രം വൃത്തിയാക്കുന്ന വിഡിയോ സമൂഹ മാധ്യമങ്ങളിൽ വൈറലാണ്.
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
NATIONAL
