08:11am 14 November 2026
NEWS
സംസ്ഥാന പോലീസ് പരാതി പരിഹാര അതോറിറ്റി ചെയർമാനായി ജസ്റ്റിസ് സി.എൻ. രാമചന്ദ്രൻ നായരെ നിയമിച്ചു
09/08/2026 08:51 PM IST
ന്യൂസ് ബ്യൂറോ
തിരുവനന്തപുരം: സംസ്ഥാന പോലീസ് പരാതി പരിഹാര അതോറിറ്റി (State Police Complaints Authority) പുതിയ ചെയർമാനായി ഹൈക്കോടതി റിട്ടയേർഡ് ജഡ്ജി ജസ്റ്റിസ് സി.എൻ. രാമചന്ദ്രൻ നായരെ നിയമിച്ചുകൊണ്ട് കേരള സർക്കാർ ഉത്തരവിറക്കി. സ്ഥാനമേറ്റെടുക്കുന്ന തീയതി മുതൽ മൂന്ന് വർഷത്തേക്കാണ് നിയമനം.
മുൻ ചെയർമാനായിരുന്ന റിട്ടയേർഡ് ജഡ്ജി വി.കെ. മോഹനൻ 2026 മേയ് 20-ന് രാജി വെച്ചതിനെത്തുടർന്നാണ് പുതിയ നിയമനം. 2011-ലെ കേരള പോലീസ് ആക്ടിലെ വകുപ്പ് 110 (1), (2) പ്രകാരമുള്ള അധികാരം ഉപയോഗിച്ചാണ് ആഭ്യന്തര വകുപ്പ് അഡീഷണൽ ചീഫ് സെക്രട്ടറി മിൻഹാജ് ആലം സർക്കാരിന് വേണ്ടി വിജ്ഞാപനം പുറപ്പെടുവിച്ചത്.
ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
KERALA
