മാരാരിക്കുളം ഡാവിഞ്ചി ചിൽഡ്രൻസ് തിയേറ്റർ സംഘടിപ്പിച്ച ഒരു മാസം നീണ്ട അവധിക്കാല കലാ പരിശീലനത്തിന്റെ സമാപനവും 33-ാമത് വാർഷികാഘോഷവും മാരാരിക്കുളം ഡാവിഞ്ചി നഗറിൽ നടനും തിരക്കഥാകൃത്തും സംവിധായകനും ലോക റെക്കോർഡ് ജേതാവുമായ ജോയ് കെ. മാത്യു ഉദ്ഘാടനം ചെയ്തു.
തിയേറ്റർ പ്രസിഡന്റ് രാജു പള്ളിപ്പറമ്പിൽ അധ്യക്ഷത വഹിച്ച സമ്മേളനത്തിൽ മാരാരിക്കുളം എം.എൽ.എ. എ.ഡി. തോമസ് മുഖ്യാതിഥിയായിരുന്നു
ചിൽഡ്രൻസ് തിയേറ്റർ സ്ഥാപകനും ഡയറക്ടറുമായ ആർട്ടിസ്റ്റ് വിൻസെന്റ് ജോസഫ്, മാരാരിക്കുളം തെക്ക് ഗ്രാമപഞ്ചായത്ത് പ്രസിഡന്റ് പി.വി. അംബുജാക്ഷൻ, വാർഡ് മെമ്പർ സി.എസ്സ്. ജോർജ്, സാംസ്കാരിക പ്രവർത്തകൻ ജോസഫ് മാരാരിക്കുളം,ഗാന്ധി മാർഗപ്രവർത്തകൻ എം.ഇ.ഉത്തമകുറുപ്പ് ,രക്ഷാകർതൃ പ്രതിനിധി ബിൻസി മോൾ, സൂരജ് തുടങ്ങിയവർ സംസാരിച്ചു. പരിശീലനം ലഭിച്ച കുട്ടികൾ വിവിധ കലാപരിപാടികൾ അവതരിപ്പിച്ചു. എ.ഡി. തോമസ് എം..എൽ.എ. കുട്ടികൾക്ക് സമ്മാനങ്ങൾ വിതരണം ചെയ്തു.
Photo Courtesy - Google
