ലൈംഗികാരപണ വിവാദത്തിൽപെട്ട കോൺഗ്രസിന്റെ യുവ എംഎൽഎ രാഹുൽ മാങ്കൂട്ടത്തിലിനെ തള്ളിപ്പറയാറായിട്ടില്ലെന്ന് ജെബി മേത്തർ എംപി. സാങ്കേതികമായി രാഹുലിനെതിരെ ആരും പരാതി നൽകിയിട്ടില്ലെന്നും ജെബി മേത്തർ ചൂണ്ടിക്കാട്ടുന്നു. എന്നിട്ടും ആരോപണം ഉയർന്ന് 24 മണിക്കൂറിനകം ധാർമ്മികതയുടെ പേരിൽ യൂത്ത് കോൺഗ്രസ് അധ്യക്ഷസ്ഥാനം രാജിവെച്ചെന്നും ജെബി മേത്തർ ചൂണ്ടിക്കാട്ടുന്നു. കോൺഗ്രസും രാഹുലും കൃത്യമായ സമയത്ത് കൃത്യമായ തീരുമാനം എടുത്തെന്നും അവർ അവകാശപ്പെട്ടു.
അതേസമയം, ഇപ്പോഴുയരുന്ന വിവാദങ്ങളിൽ ഇപ്പോഴും പല പുകമറകളുണ്ടെന്നും കോൺഗ്രസ് വനിതാ നേതാവ് പറയുന്നു. വിഷയം വ്യക്തിപരമാണ്. എല്ലാം പരിശോധിക്കപ്പടണമെന്നും ജെബി മേത്തർ ആവശ്യപ്പെട്ടു.
കോൺഗ്രസ് സ്ത്രീപക്ഷത്താണെന്നും ജെബി മേത്തർ വ്യക്തമാക്കി. പരാതിക്കാർക്കെതിരായ സൈബർ ആക്രമണങ്ങളെ ന്യായീകരിക്കുന്നില്ലെന്ന് പറഞ്ഞ ജെബി, അവയെ ശക്തമായി എതിർക്കുകയാണെന്നും കൂട്ടിച്ചേർത്തു.
