കൊച്ചി: ഇന്ത്യയും ഇറ്റലിയും പ്രതിരോധ മേഖലയിൽ സഹകരണം ശക്തമാക്കുന്നു. ഡെൽഹിയിൽ പ്രതിരോധമന്ത്രി രാജ്നാഥ് സിങ്ങും ഇറ്റാലിയൻ പ്രതിരോധ മന്ത്രി ഗൈഡോ ക്രോസറ്റോയും തമ്മിൽ ഇന്ന് നടക്കുന്ന കൂടിക്കാഴ്ച പരസ്പര സഹകരണത്തിൻ്റെ പുതിയ വാതിലുകൾ തുറക്കുമെന്ന് പ്രതീക്ഷിക്കുന്നു. പ്രതിരോധ മേഖലയിൽ ഇരു രാജ്യങ്ങളും തമ്മിലുള്ള സഹകരണവുമായി ബന്ധപ്പെട്ട വിഷയങ്ങളാണ് പ്രധാനമായും ചർച്ച ചെയ്യുന്നത്. നിലവിലത്തെ സാഹചര്യത്തിൽ രാജ്യാന്തര തലത്തിലും പ്രാദേശിക തലത്തിലും നിലനിൽക്കുന്ന സുരക്ഷാ പശ്ചാത്തലം മന്ത്രിമാർ വിലയിരുത്തും.
2023 ഒക്റ്റോബറിൽ രാജ്നാഥ്സിങ് റോം സന്ദർശിച്ചിരുന്നു. ഇറ്റാലിയൻ പ്രതിരോധ മന്ത്രിയുടെ സന്ദർശനം ബന്ധം കൂടുതൽ ശക്തമാക്കാനുള്ള ഇരു രാജ്യങ്ങളുടെയും അഗ്രഹത്തെ കുറിക്കുന്നു. പ്രതിരോധ തന്ത്രപ്രധാന മേഖലകളിലെ സഹകരണത്തിനായി ഈ വർഷം ആദ്യം യൂറോപ്യൻ യൂണിയനുമായി ഇന്ത്യ ഒപ്പിട്ട കരാറും ഇരു രാജ്യങ്ങളും തമ്മിലുള്ള ബന്ധത്തിന് പുത്തനുണർവ് പകർന്നിട്ടുണ്ട്.
Photo Courtesy - Google
