ചെങ്ങന്നൂർ :- 50 വയസ്സ് കഴിഞ്ഞാൽ സ്ത്രീകൾ എല്ലാ വർഷവും മാമ്മോഗ്രാം ടെസ്റ്റും സെർവിക്കൽ ക്യാൻസർ ടെസ്റ്റും നടത്തുന്നത് അത്യുത്തമം ആയിരിക്കും എന്ന് ഡോ. ലക്ഷ്മി പിള്ള പറഞ്ഞു. ചെങ്ങന്നൂർ സീനിയർ സിറ്റിസൺസ് ഫോറത്തിൻ്റെ ആഭിമുഖ്യത്തിൽ ഫെഡറേഷൻ ഓഫ് സീനിയർ സിറ്റിസൺസ് അസോസ്സിയേഷൻസ് (കേരള) യുടെ പത്തനംതിട്ട, ആലപ്പുഴ ജില്ലകളിലെ വിവിധ യൂണിറ്റുകളിൽപ്പെട്ട വനിതകൾ നടത്തിയ അന്തർദ്ദേശീയ വനിതാദിന ആഘോഷം ഉത്ഘാടനം ചെയ്തു കൊണ്ട് സംസാരിക്കുകയായിരുന്നു അവർ. പെങ്ങന്നൂർ എസ് സി ആർ വി
സ്കൂളിൽ നടത്തിയ സമ്മേളനത്തിൽ ജില്ലാ കോ ഓർഡിനേറ്റർ ജെ. ശ്രീകുമാരി അദ്ധ്യക്ഷത വഹിച്ചു.
എൽസി കുട്ടി മാത്യു ,സിസ്സി കുരുവിള, ആനി ഏബ്രഹാം, ഏലമ്മ തോമസ്, സുമന ജേക്കബ്, ബിന്ദു ജയകുമാർ, സുശീലാ സ്റ്റീഫൻ എന്നിവർ പ്രസംഗിച്ചു. വിവിധ മേഖലകളിൽ നേട്ടം കൈവരിച്ച നാലു വനിതകളെ ചടങ്ങിൽ ആദരിച്ചു.
വിവിധ യൂണിറ്റുകളിൽ നിന്നും പങ്കെടുത്ത വനിതകൾ നൃത്തം, ലഘുനാടകം, സമൂഹ ഗാനം, ചെറുകഥ, മോണോ ആക്ട് എന്നിവ അവതരിപ്പിച്ചു. സമൂഹ സദ്യയും ഉണ്ടായിരുന്നു
