ദോഹ: കാനഡഭരണ കൂടം പിടികിട്ടാ പുള്ളിയായി പ്രഖ്യാപിച്ച റബീഹ് അൽഖലീൽ ഖത്തറിൽ അറസ്റ്റിലായതായി ഇന്റർപോൾ അറിയിച്ചു. മൂന്ന് വർഷത്തെ ഒളിവിനൊടുവിലാണ് അറസ്റ്റ്. 38 കാരനായ അൽഖലീലിനെതിരെ കൊലക്കുറ്റവും കൊക്കെയ്ൻ കടത്തൽ ഗൂഢാലോചനയും ഉൾപ്പെടെ നിരവധി കുറ്റങ്ങൾ ചുമത്തിയിട്ടുണ്ട്. കൊലക്കേസിൽ വിചാരണ നേരിടുന്നതിനിടെ കാനഡയിലെ ജയിലിൽ നിന്ന് രക്ഷപ്പെട്ട ശേഷമാണ് ഇയാൾ ഒളിവിലായത്.
അറസ്റ്റിലായ അൽഖലീനെ ഖത്തറിൽ തടങ്കലിലാക്കി നടപടി ക്രമങ്ങൾ പൂർത്തിയാക്കി കാനഡയിലേക്ക് മടക്കി അയക്കുമെന്നും ഇന്റർപോൾ സ്ഥിരീകരിച്ചു.
ഖത്തർ ആഭ്യന്തര മന്ത്രാലയം, ദോഹയും ഒട്ടാവയുമായുള്ള ഇന്റർപോൾ നാഷണൽ സെൻട്രൽ ബ്യൂറോകൾ, കാനഡൻ റോയൽ മൗണ്ടഡ് പോലീസ് (RCMP) ലയേസൺ ഓഫീസർമാർ, ബ്രിട്ടീഷ് കൊളംബിയയിലെ കോമ്പൈൻഡ് ഫോഴ്‌സസ് സ്പെഷ്യൽ എൻഫോഴ്സ്മെന്റ് യൂണിറ്റ്, RCMP ഫെഡറൽ പോലിസിംഗ് പസഫിക് റീജിയൻ എന്നിവർ ചേർന്നുള്ള സഹകരണത്തിലൂടെയാണ് അറസ്റ്റ് സാധ്യമായതെന്ന് ഇന്റർപോൾ വ്യക്തമാക്കി.
