ബിഎച്ച്ആർഎഫ് ജില്ലാ കമ്മിറ്റി നേതൃത്വത്തിൽ സംഘടിപ്പിച്ച അന്താരാഷ്ട്ര വനിതാദിനാഘോഷവും പ്രതിഭകളെ ആദരിക്കലും കടമക്കുടി പഞ്ചായത്ത് പ്രസിഡന്റ് ആൻറണി എം എസ് ഉദ്‌ഘാടനം ചെയ്യുന്നു.
കടമക്കുടി : ഭാരതീയ ഹ്യൂമൻ റൈറ്റ്സ് ഫോറം (ബിഎച്ച്ആർഎഫ് ) ജില്ലാ കമ്മിറ്റി നേതൃത്വത്തിൽ അന്താരാഷ്ട്ര വനിതാദിനാഘോഷവും പ്രതിഭകളെ ആദരിക്കലും നടത്തി. ചെന്നൂർ അങ്കണവാടിയിൽ സംഘടിപ്പിച്ച ആഘോഷം കടമക്കുടി പഞ്ചായത്ത് പ്രസിഡന്റ് ആൻറണി എം എസ് ഉദ്‌ഘാടനം ചെയ്തു. സംസ്ഥാന വൈസ് ചെയർപേഴ്സൺ ബിന്ദുമോൾ പി എസ് അധ്യക്ഷയായി. മുൻ പഞ്ചായത്ത് മെമ്പർ ഷീജ ജോസ് മുഖ്യാതിഥിയായി. ജുവനേൽ ജസ്റ്റിസ് ബോർഡ് മെമ്പർ അഡ്വ ശ്രീജ കെ എസ് മുഖ്യപ്രഭാഷണം നടത്തി. ഫിലിം സെൻസർ ബോർഡ് അംഗവും സംവിധായകനുമായ വെണ്ണല മോഹൻ, മാധ്യമ പ്രവർത്തകനും ജില്ലാ വർക്കിങ് ചെയർമാനുമായ ഷാജി ഇടപ്പള്ളി, ജില്ലാ സെക്രട്ടറി നാസർ വി എച്ച്, സംസ്ഥാന കമ്മിറ്റി അംഗം ജെൻസി എം ജെ, അങ്കണവാടി ടീച്ചർ ഫിലോ ഇ എ എന്നിവർ പ്രസംഗിച്ചു. വിവിധ മേഖലകളിൽ പ്രതിഭ തെളിയിച്ചവരെ ചടങ്ങിൽ ആദരിച്ചു.
