​ദോഹ: ഏപ്രിൽ 24-ന് ആചരിക്കുന്ന അന്താരാഷ്ട്ര ബഹുതല ശാക്തീകരണ-സമാധാന നയതന്ത്ര ദിനത്തോടനുബന്ധിച്ച്, ആഗോള സമാധാന രംഗത്ത് ഖത്തർ നടത്തുന്ന സജീവ ഇടപെടലുകൾ അന്താരാഷ്ട്ര തലത്തിൽ ശ്രദ്ധിക്കപ്പെടുന്നു. യുദ്ധങ്ങളും സംഘർഷങ്ങളും ഒഴിവാക്കി, ചർച്ചകളിലൂടെയും നയതന്ത്രത്തിലൂടെയും പ്രശ്നപരിഹാരം കണ്ടെത്താനുള്ള ഖത്തറിന്റെ ശ്രമങ്ങൾ ലോകത്തിന് ഒരു വഴിവിളക്കായി മാറിയിരിക്കുകയാണ്.
​സെപ്റ്റംബർ 2024-ൽ ഐക്യരാഷ്ട്രസഭയുടെ ആസ്ഥാനത്ത് നടന്ന ഉച്ചകോടിയിൽ ലോകനേതാക്കൾ അംഗീകരിച്ച 'ഭാവിയിലേക്കുള്ള ഉടമ്പടി' (Pact for the Future), സമാധാനത്തിനും സുസ്ഥിര വികസനത്തിനുമുള്ള ഖത്തറിന്റെ പ്രതിബദ്ധതയെ ശരിവെക്കുന്നതായിരുന്നു.നയതന്ത്ര രംഗത്ത് ഖത്തറിന്റെ ഏറ്റവും ഒടുവിലത്തെ വലിയ നേട്ടം, ഇസ്താംബൂളിൽ നടന്ന ഇന്റർ-പാർലമെന്ററി യൂണിയൻ (IPU) ജനറൽ അസംബ്ലിയിൽ ഖത്തർ അവതരിപ്പിച്ച 'അടിയന്തര പ്രമേയം' വൻ ഭൂരിപക്ഷത്തോടെ പാസാക്കിയതാണ്. "മധ്യപൂർവ്വേഷ്യയിലും മറ്റ് പ്രദേശങ്ങളിലും വെടിനിർത്തൽ കരാറുകൾ നടപ്പിലാക്കുന്നതിനും സമാധാനം ഉറപ്പാക്കുന്നതിനും ഏകോപിതമായ പാർലമെന്ററി പരിശ്രമങ്ങൾ ആവശ്യമാണ്" എന്നതായിരുന്നു പ്രമേയം.​ഒരു അറബ് രാജ്യം സമർപ്പിച്ച അടിയന്തര പ്രമേയം ഐ.പി.യു അജണ്ടയിൽ ഉൾപ്പെടുത്തുന്നത് ചരിത്രത്തിൽ ആദ്യമായാണ്.ഇസ്താംബൂളിൽ നടന്ന 152-ാമത് ഐ.പി.യു ജനറൽ അസംബ്ലിയിൽ ഈ നിർദ്ദേശത്തിന് വലിയ പിന്തുണ ലഭിച്ചു.
​ഖത്തർ ഷൂറാ കൗൺസിലാണ് ഈ നീക്കത്തിന് നേതൃത്വം നൽകിയത്.നേട്ടം പെട്ടെന്നുണ്ടായ ഒന്നല്ല, മറിച്ച് കഴിഞ്ഞ രണ്ട് പതിറ്റാണ്ടുകളായി ഖത്തർ നയതന്ത്ര രംഗത്ത് പുലർത്തുന്ന വിശ്വസ്തതയുടെയും കഠിനാധ്വാനത്തിന്റെയും ഫലമാണ്. സംഘർഷങ്ങൾക്കിടയിൽ മധ്യസ്ഥത വഹിക്കാനും കക്ഷികളെ ചർച്ചയുടെ മേശയിലേക്ക് കൊണ്ടുവരാനുമുള്ള ഖത്തറിന്റെ കഴിവിനെയാണ് ഇത് സൂചിപ്പിക്കുന്നതെന്ന് ഖത്തർ യൂണിവേഴ്സിറ്റി പ്രൊഫസർ​ഡോ. അലി ബക്കീർപറഞ്ഞു