ദോഹ:ഹെൻലി പാസ്‌പോർട്ട് സൂചികയിൽ  85-ാം സ്ഥാനത്തേക്ക് താഴ്ന്ന
ഇന്ത്യൻപാസ്പോർട്ട് സ്മാർട്ടാകുന്നു.
കാലാവധികഴിഞ്ഞ ഇന്ത്യന്‍ പാസ്‌പോര്‍ട്ട്കൾ ഓണ്‍ലൈനായി  പുതുക്കാനുള്ളസാങ്കേതിക സംവിധാനം ലളിത മാക്കിപാസ്‌പോർട്ട് സേവാ പ്രോഗ്രാം (പിഎസ്‌പി).
ഓണ്‍ലൈന്‍ പാസ്പോര്‍ട്ട് സേവാസിസ്റ്റത്തിലൂടെയാണ് സേവനം ലഭ്യമാകുക. ഇനിമുതൽ എല്ലാത്തരം പാസ്പോര്‍ട്ട് പുതുക്കലിനും പൊലീസ് വെരിഫിക്കേഷൻനിർബന്ധമില്ല.ജനന തീയതി തെളിയിക്കുന്ന രേഖകള്‍ ഹാജരാക്കണം. ഇതിനായി ജനന സര്‍ട്ടിഫിക്കറ്റ്, സ്‌കൂള്‍ സര്‍ട്ടിഫിക്കറ്റ്, എസ്എസ്എല്‍സി സര്‍ട്ടിഫിക്കറ്റ്, പാന്‍കാര്‍ഡ്, ആധാര്‍ കാര്‍ഡ് എന്നിവയില്‍ ഏതെങ്കിലും ഉപയോഗിക്കാനാവും.
ഔദ്യോഗിക പാസ്‌പോർട്ട് സേവാ വെബ്‌സൈറ്റ് വഴി ഇ-പാസ്‌പോർട്ടിന് അപേക്ഷിക്കാവുന്ന താണ്.പതിമൂന്നാം പാസ്‌പോർട്ട് സേവാ ദിവസിനോടനുബന്ധിച്ചാണ് വിദേശകാര്യ മന്ത്രി എസ്. ജയ്ശങ്കർ പാസ്‌പോർട്ട് സേവാ പ്രോഗ്രാമിലെ (പിഎസ്‌പി) പ്രധാന പുരോഗതികളും ഇ-പാസ്‌പോർട്ടുകളുടെ രാജ്യവ്യാപകമായ വ്യാപനവും പ്രഖ്യാപിച്ചത്.
അപേക്ഷകരെക്കുറിച്ചുള്ള എല്ലാ ബയോമെട്രിക് വിവരങ്ങളും ഉൾക്കൊള്ളുന്ന ഒരു മൈക്രോചിപ്പ് ഇ-പാസ്‌പോർട്ടുകളിൽ ഘടിപ്പിക്കും.ഗ്ലോബൽ പിഎസ്‌പി വി2.0 യുടെ പൈലറ്റ് പരീക്ഷണവും നടക്കുന്നുണ്ട്. എല്ലാ ഇന്ത്യൻ എംബസികളിലും കോൺസുലേറ്റുകളിലും ഘട്ടം ഘട്ടമായി ഇത് നടപ്പിലാക്കും.കോൺടാക്റ്റ്‌ലെസ് ചിപ്പ് അധിഷ്ഠിത ഡാറ്റ റീഡിംഗ് ഉപയോഗിച്ച് യാത്ര എളുപ്പമാക്കുകയും ഇമിഗ്രേഷൻ ക്ലിയറൻസുകൾ ത്വരിതപ്പെടുത്തുകയും ചെയ്യുന്ന ഇ-പാസ്‌പോർട്ടിന് എങ്ങനെ അപേക്ഷിക്കാവുന്ന മാർഗ്ഗനിർദ്ദേശങ്ങളും പുറത്തിറക്കിയിട്ടുണ്ട്.
ഔദ്യോഗിക പാസ്‌പോർട്ട് സേവാവെബ്‌സൈറ്റിലേക്ക് പോകുകയാണ് പ്രാഥമികഘട്ടം.പുതിയ ഉപയോക്താക്കൾ ഒരു അക്കൗണ്ട് ക്രിയേറ്റ് ചെയ്യണം.
 അതേസമയം നിലവിലുള്ള ഉപയോക്താക്കൾക്ക് അവരുടെ യോഗ്യതാപത്രങ്ങൾ ഉപയോഗിച്ച് ലോഗിൻ ചെയ്യാം.ആവശ്യമായ വിശദാംശങ്ങൾ നൽകി ഇ-പാസ്‌പോർട്ട് അപേക്ഷ പൂരിപ്പിക്കുക. പാസ്‌പോർട്ട് സേവാ കേന്ദ്രം (PSK) അല്ലെങ്കിൽ പോസ്റ്റ് ഓഫീസ് പാസ്‌പോർട്ട് സേവാ കേന്ദ്രം (POPSK) എന്നിവയിൽ ഏതെങ്കിലും തെരഞ്ഞെടുത്ത്
ഇ-പാസ്‌പോർട്ട് ഫീസ് അടയ്ക്കുക.
തിരഞ്ഞെടുത്ത സേവന കേന്ദ്രത്തിനായി ഒരു തീയതിയും സമയ സ്ലോട്ടും തിരഞ്ഞെടുത്ത് lഅപ്പോയിന്റ്മെന്റ് എടുക്കുക.ബയോമെട്രിക് ക്യാപ്‌ചറിനും ഡോക്യുമെന്റ് വെരിഫിക്കേഷനുമായി ഷെഡ്യൂൾ ചെയ്ത സമയത്ത് PSK അല്ലെങ്കിൽ POPSK സന്ദർശിക്കുക.