ഇന്ത്യയിൽ മാഗിയുടെ 50 വർഷത്തെ യാത്ര ഘോഷിക്കുന്നതിനായി നെസ്‌ലെ ഇന്ത്യ അനുസ്മരണ തപാൽ സ്റ്റാമ്പ് പുറത്തിറക്കി. നെസ്‌ലെ ഇന്ത്യയുടെ ചെയർമാനും മാനേജിംഗ് ഡയറക്ടറുമായ ശ്രീ. മനീഷ് തിവാരിയും, ഇന്ത്യാ സർക്കാരിന്റെ ഭക്ഷ്യസംസ്‌കരണ വ്യവസായ മന്ത്രി ശ്രീ. ചിരാഗ് പാസ്വാനും ചേർന്നാണ് സ്റ്റാമ്പ് പ്രകാശനം ചെയ്തത്.
കാലത്തിനനുസരിച്ച് മാറിക്കൊണ്ട് ഒരു പ്രിയപ്പെട്ട ഭക്ഷ്യവിഭാഗത്തിന്റെ പര്യായമായി മാറിയ മാഗിയുടെ വളർച്ചയ്ക്ക് ആദരസൂചകമാണ് ഈ സ്റ്റാമ്പ്. തലമുറകളിലുടനീളം, പങ്കിട്ട ഭക്ഷണ നിമിഷങ്ങളിലൂടെ ആളുകളെ ഒന്നിപ്പിച്ച മാഗിയുടെ യാത്രയെ ഇത് സ്മരിക്കുന്നു.
കഴിഞ്ഞ അഞ്ച് ദശകങ്ങളായി നൂഡിൽസ്, മസാലകൾ, സോസുകൾ, സൂപ്പുകൾ, റെഡി-ടു-കുക്ക് ഉൽപ്പന്നങ്ങൾ തുടങ്ങി വൈവിധ്യമാർന്ന രൂപങ്ങളിലൂടെ മാഗി ഇന്ത്യൻ വീടുകളിൽ സാന്നിധ്യമുറപ്പിച്ചിട്ടുണ്ട്. വേഗത്തിൽ തയ്യാറാക്കുന്ന വിഭവങ്ങളിൽ നിന്ന് കുടുംബഭക്ഷണങ്ങളിലേക്കും, ഹോസ്റ്റൽ അടുക്കളകളിൽ നിന്ന് വലിയ ഒത്തുചേരലുകളിലേക്കും — രാജ്യത്തുടനീളം അനവധി ഭക്ഷണ നിമിഷങ്ങളുടെ ഭാഗമായിട്ടുണ്ട് മാഗി.
“ഒരുമയുടെ 50 വർഷങ്ങൾ” എന്ന പേരിലുള്ള സ്റ്റാമ്പ്, ഇന്ത്യയിലുടനീളമുള്ള ഭക്ഷണമേശകളിലേക്ക് മാഗി കൊണ്ടുവന്ന ചൂടും ആശ്വാസവും ബന്ധങ്ങളും പകർത്തുന്നു. “ദശകങ്ങളായി ഇന്ത്യൻ കുടുംബങ്ങളുടെ വിശ്വാസം നേടിയെടുക്കുന്നതിൽ ഇന്ത്യയുടെ പ്രോസസ്സ് ചെയ്ത ഭക്ഷ്യ മേഖല വലിയ മുന്നേറ്റമാണ് കൈവരിച്ചത്. 50 വർഷം പൂർത്തിയാക്കിയ മാഗിയെ അഭിനന്ദിക്കുന്നു.” ഈ അവസരത്തിൽ മന്ത്രി ചിരാഗ് പാസ്വാൻ പറഞ്ഞു, “
Photo Courtesy - Google
