IISF-ന്റെ കർട്ടൻ റൈസർ പരിപാടിയിൽ ഡോ. അഭിലാഷ് എസിനൊപ്പം വിദ്യാർത്ഥികളും അധ്യാപകരും.
കൊച്ചി: ഇന്ത്യ ഇന്റർനാഷണൽ സയൻസ് ഫെസ്റ്റിവൽ (IISF) 2025-ന്റെ കർട്ടൻ റൈസർ പരിപാടി കൊച്ചി ശാസ്ത്ര സാങ്കേതിക സർവകലാശാലയിലെ അഡ്വാൻസ്ഡ് സെന്റർ ഫോർ അറ്റ്മോസ്ഫെറിക് റഡാർ റിസർച്ചിൽ (ACARR) നടത്തി.ACARR ഡയറക്ടർ ഡോ. അഭിലാഷ് എസ് അധ്യക്ഷത വഹിച്ച ചടങ്ങിൽ വിദ്യാർത്ഥികൾ, അധ്യാപകർ, ഗവേഷകർ, ശാസ്ത്രജ്ഞർ എന്നിവർ പങ്കെടുത്തു. IISF-ന്റെ പ്രചാരണ പ്രവർത്തനങ്ങൾക്ക് പ്രചോദനാത്മകമായ തുടക്കമായിരുന്നു ഈ പരിപാടി. അദ്ദേഹം IISF-ന്റെ കാഴ്ചപ്പാടുകളും ലക്ഷ്യങ്ങളും ചടങ്ങിൽ അവതരിപ്പിച്ചു. യുവജനങ്ങളുടെ പങ്കാളിത്തം, നവോത്ഥാന ചിന്ത, ശാസ്ത്രീയ സഹകരണം എന്നിവയിലൂടെ രാഷ്ട്രനിർമ്മാണത്തിൽ ശാസ്ത്രത്തിന്റെ പങ്ക് ശക്തിപ്പെടുത്തുക എന്നതാണ് ഫെസ്റ്റിവലിന്റെ ഉദ്ദേശം.
IISF 2025 ഡിസംബർ 6 മുതൽ 9 വരെ ചണ്ഡീഗഡിലെ പഞ്ചാബ് സർവകലാശാലയിൽ “Celebrating Science for a Sustainable and Developed India” എന്ന പ്രമേയത്തെ ആസ്പദമാക്കി നടക്കും.
Photo Courtesy - Google
