കോടുകുളഞ്ഞി: വായനദിനത്തോടനുബന്ധിച്ച് ജെ.എം.എച്ച്.എസ് കോടുകുളഞ്ഞി സ്കൂളിൽ വിപുലമായ പരിപാടികളോടെ വായനദിനാചരണം നടത്തി.
സ്കൂൾ ഹെഡ്മാസ്റ്റർ ജേക്കബ് ജോർജ് അധ്യക്ഷപ്രസംഗം നടത്തി.
എഴുത്തുകാരിയും വിവർത്തന രത്ന പുരസ്കാര ജേതാവുമായ സരോജിനി ഉണ്ണിത്താൻ സ്കൂളിലെ 'വിദ്യാരംഗം കലാസാഹിത്യവേദി'യുടെ ഉദ്ഘാടനം നിർവ്വഹിച്ചു. വിദ്യാർത്ഥികൾ വായനദിന ഗാനം ആലപിച്ചു. മുൻ പി.എസ്.സി അംഗം അഡ്വ. തോമസ് ഫിലിപ്പ് 'പുസ്തകപ്പെട്ടി'യുടെ ഉദ്ഘാടനം നിർവ്വഹിച്ചു.
കുമാരി ഹൃദ്യ ഓമനക്കുട്ടൻ കാവ്യാാലാപനവും, വിദ്യാർത്ഥിയായ യാഹിന ജോമോൻ ഗാനാലാപനവും നടത്തി. വായനദിനത്തോട് അനുബന്ധിച്ച് നടന്ന പുസ്തകപരിചയ പരിപാടിയിൽ വിദ്യാർത്ഥിയായ അനാമിക, അധ്യാപികയായ
സൗമ്യ സാറാ മാത്യു, രക്ഷകർത്താവ്
സുമി അജയൻ എന്നിവർ വിവിധ പുസ്തകങ്ങൾ പരിചയപ്പെടുത്തി സംസാരിച്ചു.
ചടങ്ങിൽ വെച്ച് കുട്ടി ലൈബ്രറിമാർക്കുള്ള ലൈബ്രറി കാർഡ് വിതരണവും വിവിധ മത്സരങ്ങളിൽ വിജയിച്ചവർക്കുള്ള സമ്മാനദാനവും നടന്നു. സീനിയർ അസിസ്റ്റൻറ്
സിനു തോമസ് അധ്യാപികയായ
നീതു കെ. സണ്ണി എന്നിവർ പ്രസംഗിച്ചു.
