തിരുവനന്തപുരം: 2021-ലെ നിയമസഭാ തിരഞ്ഞെടുപ്പിൽ കേരളം ആവേശത്തോടെ ചുവപ്പണിഞ്ഞപ്പോൾ, തുടർച്ചയായ രണ്ടാം ഭരണത്തിന്റെ ചരിത്രമെഴുതിയ ഇടതുമുന്നണിക്ക് (എൽ.ഡി.എഫ്) ഊർജ്ജം നൽകിയത് 99 നിയമസഭാ മണ്ഡലങ്ങളിലെ ലീഡ് നിലയായിരുന്നു. എന്നാൽ, നാലര വർഷങ്ങൾക്കിപ്പുറം, 2025ലെ തദ്ദേശ തിരഞ്ഞെടുപ്പ് ഫലം പുറത്തുവന്നപ്പോൾ രാഷ്ട്രീയ ഭൂപടത്തിന്റെ നിറം പാടെ മാറിയിരിക്കുന്നു.

​മുന്നണിക്ക് കനത്ത ആഘാതമേൽപ്പിച്ച് കൊണ്ട്, 140 നിയമസഭാ മണ്ഡലങ്ങളിൽ 80 ഇടത്തും യുണൈറ്റഡ് ഡെമോക്രാറ്റിക് ഫ്രണ്ട് (യു.ഡി.എഫ്) വ്യക്തമായ ആധിപത്യം സ്ഥാപിച്ചു. 2021-ൽ 99 മണ്ഡലങ്ങളിൽ മുന്നിട്ട് നിന്ന എൽ.ഡി.എഫ്, ഇത്തവണ കേവലം 58 മണ്ഡലങ്ങളിലേക്ക് ഒതുങ്ങി. ബി.ജെ.പി. ആകട്ടെ, ആദ്യമായി കേരളത്തിൽ നിന്ന് ഒരു ലോക്‌സഭാ സീറ്റ് നേടിയതിനൊപ്പം രണ്ട് നിയമസഭാ മണ്ഡലങ്ങളിൽ ലീഡ് നിലനിർത്താനും സാധിച്ചു.

​ഈ കണക്കുകൾ കേരളത്തിന്റെ രാഷ്ട്രീയം 'ചിത്രം മാറ്റി'യെന്ന് ഉറക്കെ പ്രഖ്യാപിക്കുന്നു. 2021-ൽ ചെങ്കോട്ടകളായി നിലനിന്ന പല മണ്ഡലങ്ങളിലും ഇത്തവണ  (യു.ഡി.എഫ്) നേടി ഭരണവിരുദ്ധ വികാരമോ, ദേശീയ രാഷ്ട്രീയത്തിലെ പ്രതിഫലനമോ, അല്ലെങ്കിൽ ഇരുമുന്നണികളുടെയും രാഷ്ട്രീയ തന്ത്രങ്ങളിലെ മാറ്റമോ ആകാം ഈ ഫലത്തിന് പിന്നിൽ.

​2026-ൽ നടക്കാനിരിക്കുന്ന അടുത്ത നിയമസഭാ തിരഞ്ഞെടുപ്പിന് മുന്നോടിയായുള്ള ഒരു ട്രെയിലറായാണ് ഈ ഫലത്തെ രാഷ്ട്രീയ നിരീക്ഷകർ വിലയിരുത്തുന്നത്. സംസ്ഥാന ഭരണത്തിനെതിരായ ജനവികാരം പ്രതിഫലിച്ചെങ്കിൽ, എൽ.ഡി.എഫിന് ഇത് വലിയൊരു മുന്നറിയിപ്പാണ്. മറുവശത്ത്, യു.ഡി.എഫിന് വലിയ ആത്മവിശ്വാസം നൽകുന്നതും, അവരുടെ അടിത്തറ ശക്തമായെന്ന് തെളിയിക്കുന്നതുമാണ് ഈ മുന്നേറ്റം.
​ഇനിയുള്ള നാല് മാസം നഷ്ടപ്പെട്ട മണ്ഡലങ്ങൾ തിരിച്ചുപിടിക്കാൻ എൽ.ഡി.എഫ് നടത്തുന്ന ശ്രമങ്ങളും, നിലനിർത്താൻ യു.ഡി.എഫ് നടത്തുന്ന നീക്കങ്ങളുമായി കേരള രാഷ്ട്രീയം തീവ്രമായ മത്സരം നിറഞ്ഞതാകുമെന്നതിൽ സംശയമില്ല.