ദോഹ: ഖത്തറിലെ ആസ്വാദകര്‍ക്കായി  ഇന്ത്യയുടെകലാ-സാംസ്‌കാരികവൈവിധ്യംനിറഞ്ഞ  ആഘോഷ രാവുകളുമായിഇന്ത്യൻ കൾച്ചറൽ സെന്റർ. ഇന്ത്യൻ എംബസിയുമായി സഹകരിച്ച് ഇന്ത്യൻ കൾച്ചറൽ സെന്റർ സംഘടിപ്പിക്കുന്ന "ഇന്ത്യൻ കാർണിവൽ"  മെയ് 15, 16 തീയതികളിൽ വ്യാഴം, വെള്ളി ദിവസങ്ങളിൽ വൈകുന്നേരം 4 മുതൽ രാത്രി 10 വരെ ഐഡിയൽ ഇന്ത്യൻ സ്കൂളിൽനടക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു.പ്രശസ്തചലച്ചിത്ര പിന്നണി ഗായകൻ അനൂപ് ശങ്കറും സംഘവും അവതരിപ്പിക്കുന്നസംഗീത വിരുന്ന്
കാർണ്ണിവലിൽ ആസ്വാദകവിസ്മയം തീർക്കും.ദിവസവും 20,000-ത്തിലധികം സന്ദർശകരെയാണ് പ്രതീക്ഷിക്കുന്നത്.
ഇന്ത്യൻ സംസ്കാരത്തെ അതിന്റെ വൈവിധ്യത്തിൽ ആഘോഷിക്കുന്നതിലൂടെ ഇന്തോ-ഖത്തർ സൗഹൃദം വളർത്തിയെടുക്കാനും ഇന്ത്യൻ പ്രവാസി സമൂഹത്തിനിടയിലുള്ള ബന്ധംശക്തിപ്പെടുത്തുകയാണ് ലക്ഷ്യമെന്ന് ഐ സി സി ഭാരവാഹികൾ പറഞ്ഞു. 
രണ്ടാം ദിവസം വെള്ളിയാഴ്ച നടക്കുന്ന ചടങ്ങിൽ ഇന്ത്യൻ അംബാസിഡർ വിപുൽ ഉത്ഘാടന കർമ്മം നിർവ്വഹിക്കും.തുടർന്ന് അനൂപ് ശങ്കറിന്റെ സംഗീതവിരുന്ന് നടക്കും.
ഐസിസിഅസോസിയേറ്റഡ്ഓർഗനൈസേഷനുകൾ, ഇന്ത്യൻ സ്കൂളുകൾ, സ്ഥാപനങ്ങൾ എന്നിവയിൽ നിന്നുള്ള പ്രതിഭാധനരായ കലാകാരന്മാർ അവതരിപ്പിക്കുന്ന ലൈവ് ഓർക്കസ്ട്ര, ചെണ്ടമേളം, ഗ്രൂപ്പ് ഡാൻസുകൾ എന്നിവയുൾപ്പെടെയുള്ള വർണ്ണാഭമായ സാംസ്കാരിക പ്രകടനങ്ങൾ. • കേരളത്തിലെ തിരുവാതിരയും ഗുജറാത്തിലെ പരമ്പരാഗത ഗർബയും (ഡാണ്ടിയ) സമന്വയിപ്പിക്കുന്ന മനോഹരമായ ഫ്യൂഷൻ ഡാൻസ് പ്രകടനം. • വിവിധ ഇന്ത്യൻ സംസ്ഥാനങ്ങളെ പ്രതിനിധീകരിക്കുന്ന സാംസ്കാരിക പവലിയനുകൾ, അവരുടെ പൈതൃകത്തിന്റെയും സംസ്കാരത്തിന്റെയും ആഴത്തിലുള്ള അനുഭവം പ്രദാനം ചെയ്യുന്നു. • കേന്ദ്ര, സംസ്ഥാന സർക്കാരുകളുടെ സാമൂഹിക സേവന പദ്ധതികൾ പ്രദർശിപ്പിക്കുന്ന  പവലിയനുകളും സജ്ജമാക്കും • ഇന്ത്യൻ കരകൗശല വസ്തുക്കൾ, പരമ്പരാഗത വസ്ത്രങ്ങൾ, ആഭരണങ്ങൾ, ഇന്ത്യൻ വിഭവങ്ങൾ വിളമ്പുന്ന ഫുഡ് കോർട്ട് എന്നിവ ഉൾക്കൊള്ളുന്ന ക
കാർണ്ണിവൽ ബസാറും ക്രമീകരിക്കും.
ചടങ്ങിൽ ഐസിസി പുതിയ ലോഗോ അനാച്ഛാദനം ചെയ്യും. ഐസിസി മൊബൈൽ ആപ്പ്, ഐസിസി പ്രിവിലേജ് കാർഡ് എന്നിവയും പ്രകാശനം ചെയ്യും. ഇന്ത്യൻ കൾച്ചറൽ സെന്ററുമായി ബന്ധപ്പെട്ട വിവിധ സാമൂഹിക-സാംസ്കാരിക സംഘടനകളുടെ പൂർണ്ണ പിന്തുണയോടെയും സജീവപങ്കാളിത്തത്തോടെയുമാണ് മെഗാ പരിപാടി സംഘടിപ്പിക്കുന്നത്. ഖത്തറിൽ താമസിക്കുന്ന ഇന്ത്യൻ സമൂഹത്തിലെ ഏകദേശം 800,000 അംഗങ്ങളെ പ്രതിനിധീകരിക്കുന്നഎംബസിയുടെ അനുബന്ധ കലാ സാംസ്ക്കാരിക സംഘടനയാണ് ഇന്ത്യൻ കൾച്ചറൽ സെന്റർ.ഐ സി സി അശോക ഹാളിൽ നടന്ന വാർത്താ സമ്മേളനത്തിൽ
ഐസിസി പ്രസിഡന്റ് എ.പി. മണികണ്ഠൻ, ഐസിസി ഉപദേശക സമിതി ചെയർമാൻ  പി. എൻ. ബാബു രാജൻ, വൈസ് പ്രസിഡന്റ് ശാന്തനു ദേശ്പാണ്ഡെ, ജനറൽ സെക്രട്ടറി  എബ്രഹാം കെ. ജോസഫ്, സെക്രട്ടറി  പ്രദീപ് പിള്ള, ധനകാര്യ മേധാവി ബിശ്വജിത് ബാനർജി, സാംസ്കാരിക പ്രവർത്തന മേധാവി നന്ദിനി അബ്ബഗൗണി, എച്ച്ആർ, അഡ്മിൻ & കോൺസുലാർ മേധാവിരാകേഷ് വാഗ്, അഫിലിയേഷൻ മേധാവി രവീന്ദ്ര പ്രസാദ്, ഐടി & സോഷ്യൽ മീഡിയ മേധാവി സന്ദീപ് ശ്രീരാമറെഡ്ഡി, വിദ്യാഭ്യാസ പ്രവർത്തന മേധാവി  അനു ശർമ്മ, ഇൻ-ഹൗസ് പ്രവർത്തന മേധാവി  വെങ്കപ്പ ഭാഗവതുല എന്നിവർ പങ്കെടുത്തു.