മേടം (അശ്വതി, ഭരണി, കാർത്തിക ആദ്യപാദം): ദിവസാരംഭത്തിൽ കാര്യങ്ങളിൽ അനിശ്ചിതത്വവും പരാജയസാദ്ധ്യതയും ഉണ്ടാകാം. കലഹസാഹചര്യങ്ങൾ, ധനനഷ്ടം, യാത്രാസംബന്ധമായ തടസ്സങ്ങൾ, മാനസിക സംഘർഷം എന്നിവ അനുഭവപ്പെടാൻ സാധ്യതയുണ്ട്. എന്നാൽ വൈകുന്നേരം ഏഴു മണിക്ക് ശേഷം സാഹചര്യങ്ങൾ അനുകൂലമായി മാറും. പ്രവർത്തനങ്ങളിൽ വിജയം, പരീക്ഷകളിൽ നല്ല ഫലം, ആരോഗ്യത്തിൽ പുരോഗതി, സാമൂഹിക സ്ഥാനമാനം എന്നിവ പ്രതീക്ഷിക്കാം.
ഇടവം (കാർത്തിക അവസാനഭാഗം, രോഹിണി, മകയിരം ആദ്യപകുതി): ദിവസത്തിന്റെ ആദ്യ പകുതി വളരെ അനുകൂലമാണ്. ശ്രമിക്കുന്ന കാര്യങ്ങളിൽ വിജയം, മേലധികാരികളുടെ അംഗീകാരം, തൊഴിൽലാഭം, ശാരീരികക്ഷേമം, ഇഷ്ടഭക്ഷണസൗഖ്യം എന്നിവ അനുഭവപ്പെടും. എന്നാൽ വൈകുന്നേരം ഏഴു മണിക്ക് ശേഷം കാര്യപരാജയം, പരീക്ഷകളിലെ തിരിച്ചടികൾ, മാനസിക അസ്വസ്ഥത, ആഗ്രഹങ്ങൾ നിറവേറ്റപ്പെടാതിരിക്കുക എന്നിവയ്ക്ക് സാധ്യതയുണ്ട്.
മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യമുക്കാൽഭാഗം): ദിവസാരംഭത്തിൽ കാര്യങ്ങൾ അനുകൂലമല്ല. ശത്രുക്കളുടെ ഇടപെടൽ, ആരോഗ്യപ്രശ്നങ്ങൾ, ശരീരക്ഷതസാധ്യത, അസ്വസ്ഥത എന്നിവ കാണുന്നു. സൂക്ഷ്മത ആവശ്യമാണ്. എന്നാൽ വൈകുന്നേരം ഏഴിന് ശേഷം കാര്യങ്ങൾ മെച്ചപ്പെടുകയും ശ്രമങ്ങളിൽ വിജയം, പരീക്ഷാവിജയം എന്നിവ കൈവരിക്കാനും സാധ്യതയുണ്ട്.
കർക്കടകം (പുണർതം അവസാന പാദം, പൂയം, ആയില്യം): ദിവസത്തിന്റെ ആദ്യഘട്ടം മുതൽ തന്നെ അനുകൂല സൂചനകളാണ്. കാര്യവിജയം, മത്സരങ്ങളിലെ നേട്ടം, അംഗീകാരം, ആരോഗ്യവർധന എന്നിവ അനുഭവപ്പെടും. എന്നാൽ വൈകുന്നേരത്തോടെ ധനതടസ്സങ്ങൾ, അനാവശ്യ ചെലവുകൾ, കാര്യതടസ്സം, ഇച്ഛാഭംഗം, പരീക്ഷാപരാജയം എന്നിവയ്ക്ക് സാധ്യതയുള്ളതിനാൽ ജാഗ്രത ആവശ്യമാണ്.
ചിങ്ങം (മകം, പൂരം, ഉത്രം ആദ്യപാദം): ഇന്ന് ചിങ്ങം രാശിക്കാർക്ക് അനുകൂലമായ ദിവസമാണ്. കാര്യവിജയം, ധനലാഭം, ബന്ധുസമാഗമം, സൽക്കാരയോഗം, തൊഴിൽ മേഖലയിൽ നേട്ടം എന്നിവ അനുഭവപ്പെടും. തൊഴിൽ അന്വേഷിക്കുന്നവർക്ക് സന്തോഷവാർത്തകൾ ലഭിക്കാൻ സാധ്യതയുണ്ട്.
കന്നി (ഉത്രം അവസാനഭാഗം, അത്തം, ചിത്തിര ആദ്യപകുതി): ദിവസാരംഭത്തിൽ കലഹങ്ങൾക്കും ഇച്ഛാഭംഗത്തിനും സാധ്യതയുണ്ട്. ശത്രുശല്യം, അപകടസാധ്യത, ശരീരക്ഷതം എന്നിവ ഉണ്ടാകാൻ ഇടയുള്ളതിനാൽ സൂക്ഷ്മത പാലിക്കുക. വൈകുന്നേരം ഏഴിന് ശേഷം കാര്യവിജയം, പരീക്ഷകളിൽ നേട്ടം, ആരോഗ്യത്തിൽ മെച്ചം എന്നിവ പ്രതീക്ഷിക്കാം.
തുലാം (ചിത്തിര രണ്ടാംപകുതി, ചോതി, വിശാഖം ആദ്യഭാഗം): ഇന്ന് മാനസിക സമ്മർദ്ദം കൂടുതലായിരിക്കും. കാര്യപരാജയം, ശരീരസുഖക്കുറവ്, ഉദരസംബന്ധമായ അസ്വസ്ഥതകൾ, അലസത എന്നിവ അനുഭവപ്പെടാം. വൈകുന്നേരം ഏഴിന് ശേഷം ഗുണദോഷങ്ങൾ തമ്മിൽ കലർന്ന ഫലങ്ങളാണ് പ്രതീക്ഷിക്കാവുന്നത്.
വൃശ്ചികം (വിശാഖം അവസാനപാദം, അനിഴം, തൃക്കേട്ട): ദിവസത്തിന്റെ ആദ്യപകുതി മുതൽ തന്നെ കാര്യങ്ങൾ അനുകൂലമാണ്. മത്സരങ്ങളിൽ വിജയം, അംഗീകാരം, ആരോഗ്യവർധന, സാമ്പത്തിക നേട്ടം, ശത്രുക്കളുടെ ശക്തി ക്ഷയിക്കൽ എന്നിവ കാണുന്നു. എന്നാൽ വൈകുന്നേരത്തോടെ കാര്യപരാജയം, പരീക്ഷകളിലെ തിരിച്ചടികൾ എന്നിവയ്ക്ക് സാധ്യതയുണ്ട്.
ധനു (മൂലം, പൂരാടം, ഉത്രാടം ആദ്യപാദം): ഇന്ന് ധനു രാശിക്കാർക്ക് സന്തോഷകരമായ ദിനമാണ്. കാര്യവിജയം, ധനയോഗം, ആരോഗ്യം, ബന്ധുക്കളുമായുള്ള സുഖകരമായ ഇടപെടൽ, ഇഷ്ടഭക്ഷണസൗഖ്യം എന്നിവ അനുഭവപ്പെടും. വേണ്ടപ്പെട്ടവരോടൊപ്പം സമയം ചെലവഴിക്കാനുള്ള അവസരം ലഭിക്കും.
മകരം (ഉത്രാടം അവസാനഭാഗം, തിരുവോണം, അവിട്ടം ആദ്യപകുതി): ദിവസാരംഭത്തിൽ കാര്യപരാജയം, കലഹം, ശത്രുശല്യം, അപകടസാധ്യത, ആഗ്രഹഭംഗം എന്നിവയ്ക്ക് സാധ്യത. എന്നാൽ വൈകുന്നേരം ഏഴിന് ശേഷം സാഹചര്യങ്ങൾ പൂർണമായി മാറും. കാര്യവിജയം, സ്ഥാനക്കയറ്റം, അംഗീകാരം, അനുകൂല സ്ഥലംമാറ്റം, മത്സരവിജയം, ആരോഗ്യവർധന എന്നിവ പ്രതീക്ഷിക്കാം.
കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യഭാഗം): ഇന്ന് കാര്യതടസ്സങ്ങളും മാനസിക സമ്മർദ്ദവും കൂടുതലായിരിക്കും. ധനതടസ്സം, യാത്രാപരാജയം, കലഹസാഹചര്യങ്ങൾ എന്നിവയ്ക്ക് സാധ്യതയുണ്ട്. വായ്പ സംബന്ധമായ ശ്രമങ്ങൾ പരാജയപ്പെടാൻ ഇടയുള്ളതിനാൽ സൂക്ഷ്മത ആവശ്യമുണ്ട്.
മീനം (പൂരുരുട്ടാതി അവസാനപാദം, ഉത്തൃട്ടാതി, രേവതി): ഇന്ന് മീനം രാശിക്കാർക്ക് ഏറെ അനുകൂലമായ ദിവസമാണ്. കാര്യവിജയം, തൊഴിൽലാഭം, സ്ഥാനക്കയറ്റം, സമ്മാനലാഭം, ശത്രുനാശം, ഇഷ്ടഭക്ഷണസൗഖ്യം എന്നിവ അനുഭവപ്പെടും. തൊഴിൽ അന്വേഷിക്കുന്നവർക്ക് പ്രതീക്ഷിച്ചതിലും നല്ല ഫലങ്ങൾ ലഭിക്കാനിടയുണ്ട്.
