ദോഹ: അവധിക്കാലത്ത് രാജ്യത്തെ പ്രകൃതി സൗന്ദര്യം ആസ്വദിക്കാനെത്തുന്ന വർ ശുചിത്വവും മികച്ച സൗകര്യങ്ങളും നിലനിർത്തുന്നത് പൊതുവായ ഉത്തരവാദിത്തമാണെന്ന് മുനിസിപ്പാലിറ്റി മന്ത്രാലയം പൊതുജനങ്ങളോട് ആഹ്വാനം ചെയ്തു.വിവിധ ബീച്ചുകളുടെ ക്ഷേമം നിരീക്ഷിക്കുന്നതിനും ഉറപ്പാക്കുന്നതിനുമുള്ള ഗൗരവമായ ശ്രമങ്ങൾ തുടരുമെന്ന് പരിസ്ഥിതി, കാലാവസ്ഥാ വ്യതിയാന മന്ത്രാലയം ഊന്നിപ്പറഞ്ഞു. അവധിക്കാലത്ത് പ്രാദേശിക പരിസ്ഥിതിയുടെ ഘടകങ്ങൾ സംബന്ധിച്ച പരാതികൾ, ബന്ധപ്പെട്ട ലംഘനങ്ങളെക്കുറിച്ചുള്ള പൊതു റിപ്പോർട്ടുകൾ 16066 എന്ന ഏകീകൃത ഹോട്ട്‌ലൈൻ നമ്പറിൽ 24 മണിക്കൂറും നൽകാവുന്നതാണ്. സീലൈൻ ബീച്ച്, ഖോർ അൽ-ഉദൈദ്, സെമൈസ്മ, അൽ വക്ര ബീച്ചുകൾ, ഉം ബാബ്, അൽ മറൂണ ബീച്ച്, ഫുവൈരിത് ബീച്ച്, അൽ ഗാരിയ ബീച്ച്, അൽ ഖറൈജ് ബീച്ച്, കത്താറ ബീച്ച്, ദോഹ കോർണിഷ്, 974 ബീച്ച് എന്നിവയാണ് ഏറ്റവും ജനപ്രിയമായവ. പ്രവേശന ഫീസ് ഈടാക്കുന്ന ബീച്ചായ ബിൻ ഗന്നം ദ്വീപ് (പർപ്പിൾ ഐലൻഡ്) പോലുള്ള രാജ്യത്തിന്റെ മനോഹരമായ പ്രകൃതി ദൃശ്യങ്ങൾ ആസ്വദിക്കുന്ന പൊതുജനങ്ങൾ പരിസ്ഥിതി സാക്ഷരതപാലിക്കണമെന്ന് മന്ത്രാലയം ആവശ്യപെട്ടു.
