NEWS
മുൻ സെക്രട്ടറിയുടെ പുനർനിയമനം ശരിവച്ച് ഹൈക്കോടതി; ബാർ കൗൺസിലിനെതിരായ ‘വഞ്ചന’ പരാമർശം ‘അശ്രദ്ധ’യാക്കി
21/11/2026 08:03 AM IST
നിയമകാര്യലേഖകൻ

കൊച്ചി: കേരള ബാർ കൗൺസിൽ മുൻ സെക്രട്ടറി സിമി എസ്.യെ സർവീസിൽ തിരിച്ചെടുക്കാനുള്ള സിംഗിൾ ബെഞ്ച് വിധി ഹൈക്കോടതി ഡിവിഷൻ ബെഞ്ച് ശരിവച്ചു. വിധിക്കെതിരെ കേരള ബാർ കൗൺസിലും നിലവിലെ സെക്രട്ടറി ആർ. ഹരിബാബുവും നൽകിയ രണ്ട് റിട്ട് അപ്പീലുകൾ കോടതി തള്ളി.
സിമിയുടെ രാജി സ്വീകരിച്ചെന്ന പേരിൽ അവരുടെ സേവനം അവസാനിപ്പിച്ച നടപടിയാണ് കേസിന് ആധാരം. ഇതിനെതിരെ സിമി നൽകിയ ഹർജി സിംഗിൾ ബെഞ്ച് അനുവദിച്ചിരുന്നു. ഈ വിധി ചോദ്യം ചെയ്താണ് ബാർ കൗൺസിലും നിലവിലെ സെക്രട്ടറിയും ഡിവിഷൻ ബെഞ്ചിനെ സമീപിച്ചത്.
അതേസമയം, ബാർ കൗൺസിലിന്റെ നടപടിയിൽ ‘വഞ്ചന’ ഉണ്ടായെന്ന സിംഗിൾ ബെഞ്ചിന്റെ കണ്ടെത്തലിൽ ഡിവിഷൻ ബെഞ്ച് മാറ്റം വരുത്തി. ‘വഞ്ചന’ എന്ന പരാമർശം ‘അശ്രദ്ധ’ എന്നാക്കി പരിഷ്കരിച്ച കോടതി, സിമിയെ സർവീസിൽ തിരിച്ചെടുക്കാനുള്ള വിധി നിലനിർത്തുകയായിരുന്നു.
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.










