ദോഹ: ഈ വർഷത്തെ ഈദുൽ ഫിത്തർ ആഘോഷങ്ങൾക്കിടെ ഖത്തറിൽ കാലാവസ്ഥാ വ്യതിയാനത്തിന് സാധ്യതയെന്ന് ഖത്തർ കാലാവസ്ഥാ വകുപ്പിന്റെ (QMD) മുന്നറിയിപ്പ്. മാർച്ച് 20, 21 (വെള്ളി, ശനി) ദിവസങ്ങളിൽ രാജ്യത്തിന്റെ വിവിധ ഭാഗങ്ങളിൽ ഇടിമിന്നലോടു കൂടിയ മഴയ്ക്കും ശക്തമായ കാറ്റിനും സാധ്യതയുണ്ടെന്നാണ് റിപ്പോർട്ട്.വെള്ളിയാഴ്ചയും ശനിയാഴ്ചയും ചിതറിക്കിടക്കുന്ന രീതിയിലുള്ള മഴയ്ക്കും ചിലയിടങ്ങളിൽ ശക്തമായ ഇടിമിന്നലിനും സാധ്യതയുണ്ട്.വടക്കുപടിഞ്ഞാറൻ ദിശയിൽ നിന്ന് വീശുന്ന ശക്തമായ കാറ്റ് അന്തരീക്ഷത്തിൽ പൊടിപടലങ്ങൾ ഉയരുന്നതിനും കാഴ്ചപരിധി കുറയുന്നതിനും കാരണമാകും.റോഡിലെ വഴുക്കൽ കണക്കിലെടുത്ത് വാഹനങ്ങളുടെ വേഗത കുറയ്ക്കണമെന്നും മുൻപിലെ വാഹനവുമായി കൃത്യമായ അകലം പാലിക്കണമെന്നും വൈപ്പറുകൾ പ്രവർത്തനക്ഷമമാണെന്ന്ഉറപ്പുവരുത്തണമെന്നും ആഭ്യന്തര മന്ത്രാലയം (Ministry of Interior)നിർദ്ദേശിച്ചു.
