ലിസ് ഇന്ത്യ സുരക്ഷ ട്രക്കേഴ്സ് പദ്ധതിയുടെ ഭാഗമായി സംഘടിപ്പിച്ച മൊബൈൽ ആരോഗ്യ പരിശോധന യൂണിറ്റിന്റെ ഫ്ലാഗ് ഓഫ് കൊച്ചി നഗരസഭ വികസനകാര്യ സ്റ്റാന്റിംഗ് കമ്മിറ്റി ചെയർമാൻ സി എ ഷക്കീർ നിർവഹിക്കുന്നു.
കൊച്ചി : കൊച്ചി നഗരസഭയുടെ സഹകരണത്തോടെ ലിസ് ഇന്ത്യ സുരക്ഷ ട്രക്കേഴ്സ് പദ്ധതിയുടെ ആഭിമുഖ്യത്തിൽ നഗരസഭ പ്രദേശത്തെ ഓട്ടോ - ടാക്സി തൊഴിലാളികൾക്കായി ജീവിതശൈലി ,വൃക്ക, ഹൃദ്രോഗ നിർണ്ണയവും , ആരോഗ്യ പരിശോധന ക്യാമ്പും സംഘടിപ്പിച്ചു, മൊബൈൽ ആരോഗ്യ പരിശോധന യൂണിറ്റിന്റെ ഫ്ലാഗ് ഓഫും ക്യാമ്പിന്റെ ഉദ്‌ഘാടനവും കൊച്ചി നഗരസഭ വികസനകാര്യ സ്റ്റാന്റിംഗ് കമ്മിറ്റി ചെയർമാൻ സി എ ഷക്കീർ നിർവഹിച്ചു. ലിസ് ഇന്ത്യ ഡയറക്ടറും വനിതാ കമ്മീഷൻ മുൻ അംഗവുമായ ഡോ ലിസി ജോസ് അധ്യക്ഷത വഹിച്ചു. മാധ്യമ പ്രവർത്തകൻ ഷാജി ഇടപ്പള്ളി , ലിസ് ഇന്ത്യ മാനേജർ സാൻജോ എ ജെ , ഹെൽത്ത് എഡ്യൂക്കേറ്റർ സത്യൻ ശക്തിമണി , ദൃശ്യ ദിവാകരൻ, തങ്കം രാജഗോപാൽ എന്നിവർ സംസാരിച്ചു.
