ദോഹ:മിഡിൽ ഈസ്റ്റിലെ വിമാനത്താവളങ്ങളിൽ ഡ്യൂട്ടി ഫ്രീ വിപണനത്തിൽ ഖത്തറിലെ ഹമദ് അന്താരാഷ്ട്ര വിമാനത്താവളം ഒന്നാം സ്ഥാനത്തെത്തിയതായി 'എയർപോർട്ട് കൗൺസിൽ ഇന്റർനാഷണൽ' (ACI) റിപ്പോർട്ട് ചെയ്യുന്നു. വിമാനത്താവളത്തിലെ മൊത്തം വിൽപനയുടെ 38 ശതമാനവും ഡ്യൂട്ടി ഫ്രീ വിഭാഗത്തിൽ നിന്നാണ്.
മിഡിൽ ഈസ്റ്റ് മേഖലയിൽ ഡ്യൂട്ടി ഫ്രീ വിൽപനയിൽ ഖത്തർ (38%) ഒന്നാമതും, തൊട്ടുപിന്നാലെ യുഎഇ (36%), ബഹ്‌റൈൻ (34%) എന്നിവയുമാണ്. എന്നാൽ വരുമാനത്തിനായി ഡ്യൂട്ടി ഫ്രീയെ ആശ്രയിക്കുന്ന കാര്യത്തിൽ ഖത്തറും സൗദി അറേബ്യയും (ഏകദേശം 60%) മുന്നിലാണ്.പെർഫ്യൂമുകൾ, സൗന്ദര്യവർദ്ധക വസ്തുക്കൾ, ആഡംബര ഉൽപ്പന്നങ്ങൾ എന്നിവയാണ് ഏറ്റവും കൂടുതൽ വിറ്റഴിക്കപ്പെടുന്നത്. ഇലക്ട്രോണിക്സ് ഉപകരണങ്ങളുടെ വിൽപനയിൽ 14% വർദ്ധനവുണ്ടായി.പഴയ തലമുറയെ അപേക്ഷിച്ച് Gen Z, മില്ലേനിയൽസ് വിഭാഗത്തിൽപ്പെട്ട യാത്രക്കാരാണ് ഷോപ്പിംഗിനായി കൂടുതൽ പണം ചെലവഴിക്കുന്നത് (ഏകദേശം 3.5 മടങ്ങ് കൂടുതൽ).ചൈന, ഇന്ത്യ, യുഎഇ, സൗദി അറേബ്യ എന്നിവിടങ്ങളിൽ നിന്നുള്ള യാത്രക്കാരാണ് നിലവിൽ വിമാനത്താവളങ്ങളിൽ ഏറ്റവും കൂടുതൽ പണം ചെലവാക്കുന്നത്.നികുതി ഇളവുകളും വിമാനത്താവളങ്ങളിൽ മാത്രം ലഭ്യമാകുന്ന പ്രത്യേക കളക്ഷനുകളും യാത്രക്കാരെ ഷോപ്പിംഗിനായി കൂടുതൽ ആകർഷിക്കുന്നു. കോവിഡ് കാലത്തിന് മുൻപുള്ളതിനേക്കാൾ വലിയ വളർച്ചയാണ് 56% വിമാനത്താവളങ്ങളും ഇപ്പോൾ രേഖപ്പെടുത്തുന്നത്.
