ദോഹ: ഹമദ് അന്താരാഷ്ട്ര വിമാനത്താവളം (HIA) 2025ലെ മൂന്നാം പാദത്തിൽ മികച്ച പ്രകടനം രേഖപ്പെടുത്തി. ജൂലൈ മുതൽ സെപ്റ്റംബർ വരെ മൊത്തം 1.43 കോടി യാത്രക്കാരെയാണ് വിമാനത്താവളം സ്വീകരിച്ചത്.
ഇത് കഴിഞ്ഞ വർഷത്തെ അപേക്ഷിച്ച് 4.3 ശതമാനം വളർച്ചയാണ്.
ഈ പാദത്തിലെ പ്രധാന നേട്ടമായി ഓഗസ്റ്റ് മാസം വിമാനത്താവളത്തിന്റെ ചരിത്രത്തിലെ ഏറ്റവും തിരക്കേറിയ മാസമായി മാറി. ആഗസ്റ്റിൽമാത്രം
50 ലക്ഷംത്തിലധികം യാത്രക്കാരാണ് HIA വഴിയായി യാത്ര ചെയ്തത്. ഇതോടെ ഹമദ് വിമാനത്താവളം ലോകത്തിലെ ഏറ്റവും വേഗത്തിൽ വളരുന്ന വിമാനത്താവളങ്ങളിലൊന്നെന്ന സ്ഥാനം വീണ്ടും ഉറപ്പിച്ചു.
മൂന്നാം പാദത്തിൽ ദോഹയിലേക്കും ദോഹയിൽ നിന്നുമുള്ള യാത്രക്കാരുടെ എണ്ണം 34 ലക്ഷം ആയി, കഴിഞ്ഞ വർഷത്തെ അപേക്ഷിച്ച് 7 ശതമാനം വർധനയുണ്ടായി. വിമാനഗതാഗതം 1.3% വർധിക്കുകയും മൊത്തം 72,700 വിമാനങ്ങൾ ഈ കാലയളവിൽ പ്രവർത്തിക്കുകയും ചെയ്തു. കാർഗോ ഗതാഗതം 6.65 ലക്ഷം ടണ്ണ് ആയിരുന്നു, കഴിഞ്ഞ വർഷത്തേക്കാൾ 0.8% മാത്രമാണ് ഇടിവ് രേഖപ്പെടുത്തിയത്. എയർലൈൻ കമ്പനികളുടെ ശരാശരി സീറ്റ് ഓക്ക്യുപൻസി 84.1% ആയി, കഴിഞ്ഞ വർഷത്തെ അപേക്ഷിച്ച് 2 ശതമാനം പോയിന്റ് വർധിച്ചു.
ഖത്തർ എയർവേയ്‌സ് ഈ പാദത്തിൽ മല്റ്റയിലേക്കും സിറിയയിലെ അലപ്പോവിലേക്കും രണ്ട് പുതിയ റൂട്ടുകൾ ആരംഭിച്ചതോടെ, ഹമദ് വിമാനത്താവളത്തിന്റെ അന്താരാഷ്ട്ര ബന്ധം കൂടുതൽ ശക്തിപ്രാപിച്ചു. 98% യാത്രക്കാരുടെ തൃപ്തിരേറ്റിംഗ് വിമാനത്താവളത്തിന്റെ സേവന നിലവാരത്തിനുള്ള അംഗീകാരമായി.
