ദോഹ: 1448 ഹിജ്‌റ വർഷത്തെ ഹജ്ജ് തീർത്ഥാടനത്തിന് ഖത്തറിൽ നിന്നുള്ള അപേക്ഷകൾ ഒക്ടോബർ 20 വരെ സമർപ്പിക്കാമെന്ന് ഔഖാഫ് ഇസ്‌ലാമിക കാര്യ മന്ത്രാലയത്തിലെ ഹജ്ജ്, ഉംറ കാര്യ വകുപ്പ് അറിയിച്ചു. ഔദ്യോഗിക പോർട്ടലായ hajj.gov.qa വഴി ഓൺലൈനായാണ് രജിസ്റ്റർ ചെയ്യേണ്ടത്.
സെപ്റ്റംബർ 20-നാണ് രജിസ്‌ട്രേഷൻ നടപടികൾ ആരംഭിച്ചത്. ഖത്തറിൽ നിന്നുള്ള ഹജ്ജ് തീർത്ഥാടകരുടെ ക്വോട്ട 4,400 ആണ്. അപേക്ഷകളുടെ പരിശോധനയ്ക്ക് ശേഷം ഒക്ടോബർ അവസാനത്തോടെ തിരഞ്ഞെടുക്കപ്പെടുന്നവർക്ക് മൊബൈൽ സന്ദേശം (SMS) വഴി അറിയിപ്പ് ലഭിക്കും.സൗദി ഹജ്ജ് ഉംറ മന്ത്രാലയത്തിന്റെ നിർദ്ദേശപ്രകാരം ആരോഗ്യക്ഷമത തെളിയിക്കുന്ന സർട്ടിഫിക്കറ്റ് (Medically Fit) നിർബന്ധമാണ്. രാജ്യത്തെ ആരോഗ്യ കേന്ദ്രങ്ങളിൽ നിന്നുള്ള ഈ വിവരങ്ങൾ ഹജ്ജ് പോർട്ടലിൽ നേരിട്ട് അപ്‌ഡേറ്റ് ചെയ്യപ്പെടും.
അപേക്ഷകന് കുറഞ്ഞത് 18 വയസ്സ് പൂർത്തിയായിരിക്കണം. ഒരു അപേക്ഷയിൽ പരമാവധി 3 കൂട്ടാളികളെ (Companions) കൂടി ഉൾപ്പെടുത്താം.അപേക്ഷകന് കുറഞ്ഞത് 45 വയസ്സ് പ്രായമുണ്ടായിരിക്കണം. മുൻപ് ഹജ്ജ് ചെയ്തിട്ടില്ലാത്തവരും കുറഞ്ഞത് 15 വർഷമായി ഖത്തറിൽ തുടർച്ചയായി താമസിക്കുന്നവരുമാകണം. ഒരു കൂട്ടാളിയെ മാത്രമാണ് കൂടെ ഉൾപ്പെടുത്താൻ അനുവാദമുള്ളൂ.അപേക്ഷ അംഗീകരിച്ച ശേഷം കരാർ നടപടികൾ പൂർത്തിയാക്കാൻ 10,000 ഖത്തർ റിയാൽ ഓൺലൈൻ വഴി അടയ്ക്കേണ്ടതുണ്ട്. ഇത് ഹജ്ജ് പാക്കേജിന്റെ മുൻകൂറായുള്ള തുകയാണ്.
