ദോഹ: റിയാദിലെ റിറ്റ്സ്-കാൾട്ടൺ ഹോട്ടലിൽ നടന്ന ഗൾഫ്-യുഎസ് ഉച്ചകോടിക്കിടെ സൗദി അറേബ്യയുടെ കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ ബിൻ അബ്ദുൽ അസീസ് അൽ സൗദുമായി ഖത്തർ അമീർ ഷെയ്ഖ് തമീം ബിൻ ഹമദ് അൽ-താനി കൂടിക്കാഴ്ച നടത്തി.
കൂടിക്കാഴ്ചയിൽ, ഇരു രാജ്യങ്ങളും ജനങ്ങളും തമ്മിലുള്ള ശക്തമായ ബന്ധങ്ങളും, അവരുടെ പൊതു താൽപ്പര്യങ്ങൾ കൈവരിക്കുന്നതിനായി അവ ശക്തിപ്പെടുത്തുന്നതിനും വികസിപ്പിക്കുന്നതിനുമുള്ള സാധ്യതകളും ഇരുപക്ഷവും അവലോകനം ചെയ്തു. ഉച്ചകോടിയിലെ പ്രാദേശിക, അന്തർദേശീയ സംഭവവികാസങ്ങളും വിഷയങ്ങളും ഇരുവരും ചർച്ച ചെയ്തു.
പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുൾറഹ്മാൻ ബിൻ ജാസിം അൽ-താനിയും അമീറിനൊപ്പമുള്ള ഔദ്യോഗിക പ്രതിനിധി സംഘത്തിലെ നിരവധി അംഗങ്ങളും യോഗത്തിൽ പങ്കെടുത്തു.
സൗദിയുടെ പ്രതിരോധ മന്ത്രി ഖാലിദ് ബിൻ സൽമാൻ ബിൻ അബ്ദുൽ അസീസ് അൽ സൗദും യോഗത്തിൽ പങ്കെടുത്തു
