ജിദ്ദ: 27-ാമത് അറേബ്യൻ ഗൾഫ് കപ്പ് ഫുട്ബോൾ ടൂർണമെന്റിന്റെ ആവേശകരമായ മത്സരക്രമങ്ങൾ പ്രഖ്യാപിച്ചു.സെപ്റ്റംബർ 23 മുതൽ ഒക്ടോബർ 6 വരെയാണ് മിഡിൽ ഈസ്റ്റിലെ കരുത്തരായ എട്ട് ടീമുകൾ മാറ്റുരയ്ക്കുന്നപോരാട്ടങ്ങൾ നടക്കുന്നത്.സൗദി അറേബ്യ, ഇറാഖ്, ഒമാൻ, കുവൈറ്റ് എന്നിവരാണ് ഗ്രൂപ്പ് എയിൽ ഉൾപ്പെട്ടിരിക്കുന്നത്. ഗ്രൂപ്പ് ബിയിൽ ഖത്തർ, യു.എ.ഇ, യെമൻ, ബഹ്റൈൻ എന്നീ ടീമുകൾ പോരാടും.
സെപ്റ്റംബർ 23-ന് നടക്കുന്ന ഉദ്ഘാടന പോരാട്ടങ്ങളിൽ ഇറാഖ് ഒമാനെയും, വൈകുന്നേരം നടക്കുന്ന മത്സരത്തിൽ ആതിഥേയരായ സൗദി അറേബ്യ കുവൈറ്റിനെയും നേരിടും.
സെപ്റ്റംബർ 24-ന് വൈകുന്നേരം 6:55-ന് നടക്കുന്ന മത്സരത്തിൽ യു.എ.ഇ യെമനെയും, രാത്രി 9 മണിക്ക് നടക്കുന്ന പോരാട്ടത്തിൽ ഖത്തർ ബഹ്റൈനെയും നേരിടും.
സെപ്റ്റംബർ 30-ന് യു.എ.ഇ - ഖത്തർ മത്സരത്തോടെ ഗ്രൂപ്പ് ഘട്ട പോരാട്ടങ്ങൾക്ക് തിരശ്ശീല വീഴും. ഒക്ടോബർ 3-നാണ് വീറും വാശിയും നിറഞ്ഞ സെമി ഫൈനൽ മത്സരങ്ങൾ നടക്കുക. ഒക്ടോബർ 6-ന് കിംഗ് അബ്ദുല്ല സ്പോർട്സ് സിറ്റി സ്റ്റേഡിയത്തിൽ വെച്ച് വൻകരയുടെ പുതിയ രാജാക്കന്മാരെ തീരുമാനിക്കുന്ന ഫൈനൽ പോരാട്ടം അരങ്ങേറും.
