ദോഹ:സമുദ്രങ്ങളിലെ മലിനീകരണം, കാലാവസ്ഥാ വ്യതിയാനം, പരിസ്ഥിതി നശീകരണം എന്നിവയെ ചെറുക്കുന്നതിന് അന്താരാഷ്ട്ര സഹകരണം വർദ്ധിപ്പിക്കണമെന്ന്  ഗൾഫ് സഹകരണ കൗൺസിൽ (GCC) അവശ്യപെട്ടു.ജനീവയിൽ നടന്ന യുഎൻ മനുഷ്യാവകാശ കൗൺസിലിന്റെ 58-ാമത് സെഷനിലാണ്  ഗൾഫ് സഹകരണ കൗൺസിലിന്റെ (GCC) അംബാസഡർമാരുടെ കൗൺസിൽ ചെയർമാൻ കുവൈറ്റ് അംബാസഡർ നാസർ അൽ-ഹയ്യൻ ഈ ആവശ്യംഉന്നയിച്ചത്.ആഗോളആവാസവ്യവസ്ഥയുടെ ഒരു സുപ്രധാന ഘടകമായും ദശലക്ഷക്കണക്കിന് ആളുകളുടെ ഉപജീവനമാർഗ്ഗത്തിന്റെയുംഭക്ഷ്യസുരക്ഷയുടെയും അടിസ്ഥാന സ്രോതസ്സായ സമുദ്രങ്ങളെ സംരക്ഷിക്കാൻ  ജിസിസി രാജ്യങ്ങൾ പ്രതിബന്ധരാണ്.സമുദ്ര മലിനീകരണത്തിനെതിരെ പോരാടുന്നതിനും സുസ്ഥിര മത്സ്യബന്ധന രീതികൾ പ്രോത്സാഹിപ്പിക്കുന്നതിനുമുള്ള നിർണായക നയങ്ങളും നടപടികളും സ്വീകരിച്ചുകൊണ്ട് ജിസിസി രാജ്യങ്ങൾ സമുദ്ര പരിസ്ഥിതിയെ സംരക്ഷിക്കാൻ തുടർന്നും പ്രവർത്തിക്കുന്നുണ്ടെന്ന് അൽ-ഹയ്യൻ ചൂണ്ടിക്കാട്ടി. ജൈവവൈവിധ്യത്തെയും തീരദേശ പ്രദേശങ്ങളെയും സംരക്ഷിക്കുന്നതിനും, നീല സമ്പദ്‌വ്യവസ്ഥയെ പിന്തുണയ്ക്കുന്നതിനും, സമുദ്രങ്ങളെ മലിനീകരണത്തിൽ നിന്ന് സംരക്ഷിക്കുന്നതിനുമുള്ള പരിപാടികൾ ആരംഭിക്കുന്നതിനൊപ്പം, സമുദ്ര പരിസ്ഥിതിയെ സംരക്ഷിക്കുന്നതിനുള്ള എല്ലാ അന്താരാഷ്ട്ര ശ്രമങ്ങളിലും ഗൾഫ് രാജ്യങ്ങളുടെ പങ്കാളിത്തവും സമുദ്ര മലിനീകരണം കുറയ്ക്കുന്നതിനുള്ള നയങ്ങൾക്കുള്ള പിന്തുണയും അദ്ദേഹം ചൂണ്ടിക്കാട്ടി.

ഗൾഫ് രാജ്യങ്ങൾ ആഗോള സമുദ്ര ഭരണ സംരംഭങ്ങളിലും ഏർപ്പെട്ടിട്ടുണ്ടെന്നും സമുദ്രങ്ങൾ നേരിടുന്ന പാരിസ്ഥിതിക ഭീഷണികളെ നേരിടാൻ അതിർത്തി കടന്നുള്ള പങ്കാളിത്തങ്ങൾ സ്ഥാപിച്ചിട്ടുണ്ടെന്നും അദ്ദേഹം പറഞ്ഞു, പരിസ്ഥിതി സംരക്ഷിക്കുന്നതിനും ഭാവി തലമുറകളുടെ അവകാശങ്ങൾ ഉറപ്പാക്കുന്നതിനുമുള്ള ഈ ശ്രമങ്ങൾ ശക്തിപ്പെടുത്തുന്നതിനുള്ള ജിസിസി രാജ്യങ്ങളുടെ ഉറച്ചപ്രതിബദ്ധതഅദ്ദേഹം ഊന്നിപ്പറഞ്ഞു.