വയനാട് എം.പിയും എ.ഐ.സി.സി ജനറൽ സെക്രട്ടറിയുമായ പ്രിയങ്ക ഗാന്ധി, നിലമ്പൂർ മണ്ഡലത്തിൽ യു.ഡി.എഫ് സംഘടിപ്പിച്ച റോഡ് ഷോയിൽ വെച്ച്, മനുഷ്യ-വന്യജീവി സംഘർഷം നിലമ്പൂർ മണ്ഡലം നേരിടുന്ന പ്രധാന വെല്ലുവിളിയാണെന്നും ഇത് തടയുന്നതിൽ സർക്കാർ വേണ്ടത്ര ശ്രദ്ധിക്കുന്നില്ലെന്നും അഭിപ്രായപ്പെട്ടു. ജനങ്ങളുടെ ജീവൻ സംരക്ഷിക്കേണ്ടത് ഭരിക്കുന്ന സർക്കാരിന്റെ പ്രാഥമിക ഉത്തരവാദിത്വമാണെന്നും അവർ ഓർമ്മിപ്പിച്ചു.
കേരളത്തിലെ ആശാ പ്രവർത്തകരുടെ ദുരിതങ്ങളെക്കുറിച്ചും പ്രിയങ്ക ഗാന്ധി സംസാരിച്ചു. പദ്ധതി ആരംഭിച്ചപ്പോൾ കുറഞ്ഞ സമയം മാത്രം ജോലി ചെയ്താൽ മതിയായിരുന്നെങ്കിൽ ഇപ്പോൾ എപ്പോൾ വിളിച്ചാലും പോകേണ്ട അവസ്ഥയാണെന്നും, ഇത്രയൊക്കെ ചെയ്തിട്ടും ന്യായമായ ഓണറേറിയം ലഭിക്കാത്തത് അവരുടെ അവകാശമാണെന്നും അവർ ചൂണ്ടിക്കാട്ടി.
62 ലക്ഷത്തോളം ഗുണഭോക്താക്കൾക്ക് നൽകേണ്ട 1,600 രൂപ പെൻഷൻ സർക്കാർ രാഷ്ട്രീയവൽക്കരിച്ചുവെന്നും പ്രിയങ്ക ഗാന്ധി ആരോപിച്ചു. പെൻഷൻ കൃത്യസമയത്ത് നൽകണമെന്നും സർക്കാരിന് തോന്നുമ്പോൾ കൊടുക്കേണ്ടതല്ലെന്നും അവർ വ്യക്തമാക്കി. രാജ്യത്ത് ജനങ്ങൾക്ക് മുകളിൽ രാഷ്ട്രീയത്തെ കൊണ്ടുവരുന്ന സാഹചര്യമുണ്ടെന്നും ജനങ്ങളുടെ ജീവനും ജീവനോപാധിയും രാഷ്ട്രീയവൽക്കരിക്കരുതെന്നും അവർ പറഞ്ഞു. സംസ്ഥാനത്ത് മാറ്റം കൊണ്ടുവരാൻ ഈ തിരഞ്ഞെടുപ്പ് ഒരു വലിയ സന്ദേശമാകണമെന്നും പ്രിയങ്ക ഗാന്ധി ആഹ്വാനം ചെയ്തു.
