01:54pm 28 September 2026
NEWS
ഇ.എസ്.എ വില്ലേജുകളിലെ വനവിസ്തൃതി സർക്കാർ പരസ്യപ്പെടുത്തണം: ജോസ് കെ. മാണി
28/09/2026 12:52 PM IST
ചെറുകര സണ്ണിലൂക്കോസ്
പരിസ്ഥിതി ലോല പ്രദേശങ്ങളിലെ (ഇ.എസ്.എ) വനവിസ്തൃതി സംബന്ധിച്ച് 2014-ലെയും നിലവിലെയും വില്ലേജ് അടിസ്ഥാനത്തിലുള്ള കൃത്യമായ കണക്കുകൾ സർക്കാർ അടിയന്തരമായി പരസ്യപ്പെടുത്തണമെന്ന് കേരള കോൺഗ്രസ് (എം) ചെയർമാൻ ജോസ് കെ. മാണി ആവശ്യപ്പെട്ടു.
തെറ്റായ കണക്കുകളാണ് മലയോര മേഖലയിൽ വലിയ ആശങ്കകൾക്ക് വഴിവെച്ചതെന്നും അദ്ദേഹം പറഞ്ഞു.
2014-ൽ സംസ്ഥാനത്ത് 8,483.05 ചതുരശ്ര കിലോമീറ്റർ വനവിസ്തൃതി ഉണ്ടായിരിക്കെ, 123 ഇ.എസ്.എ വില്ലേജുകളിലായി 9,107 ചതുരശ്ര കിലോമീറ്റർ വനമുണ്ടെന്ന് കാണിച്ച് കേന്ദ്രത്തിന് കത്ത് നൽകിയതാണ് നിലവിലെ പ്രതിസന്ധിക്ക് കാരണമെന്ന് ജോസ് കെ. മാണി ചൂണ്ടിക്കാട്ടി.
ഇ.എസ്.എ പരിധിയിൽ വരുന്ന ഓരോ വില്ലേജിലെയും പരിസ്ഥിതി ലോല പ്രദേശങ്ങളുടെ കൃത്യമായ കണക്ക് ഉടൻ തന്നെ പരസ്യമായി പ്രസിദ്ധീകരിക്കാൻ സർക്കാർ തയ്യാറാകണമെന്നും അദ്ദേഹം ആവശ്യപ്പെട്ടു.
Photo Courtesy - Google
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
KERALA
