ദോഹ : വിമാനയാത്ര മേഖലയിൽ നിന്നുള്ള കാർബൺ പുറന്തള്ളൽ കുറയ്ക്കാനും സുസ്ഥിര എവിയേഷൻ ഫ്യൂവൽ (SAF) വികസിപ്പിക്കാനും ഖത്തർ അഞ്ച് പുതിയ ഗവേഷണ പദ്ധതികൾ പ്രഖ്യാപിച്ചു.  കാലാവസ്ഥാ മാറ്റം നേരിടാനുള്ള ഗവേഷണ-നവീകരണ പ്രവർത്തനങ്ങളുടെ ഭാഗമായാണ് പ്രഖ്യാപിച്ചത്.
പരിസ്ഥിതി-കാലാവസ്ഥാ മാറ്റ മന്ത്രാലയം, ഹമദ് ബിൻ ഖലീഫ സർവകലാശാല, Qatar Airways, സിവിൽ എവിയേഷൻ അതോറിറ്റി എന്നിവ ചേർന്ന് നടത്തുന്ന സംയുക്ത പദ്ധതി ദേശീയ തലത്തിലുള്ള ഗവേഷണ മാതൃകയായി വിലയിരുത്തപ്പെടുന്നു.
 ഗവേഷണം, പുതുക്കൽ എന്നിവ ഖത്തറിന്റെ 2024-2030 കാലാവസ്ഥാ തന്ത്രത്തിന്റെ പ്രധാന ഘടകങ്ങളാണ്. പദ്ധതികൾ ICAOയുടെ CORSIA ചട്ടങ്ങൾക്കനുസരിച്ച് നടപ്പാക്കുന്നതാണെന്ന്
അസിസ്റ്റന്റ് അണ്ടർസെക്രട്ടറി അഹമ്മദ് മുഹമ്മദ് അൽ സാദ് പറഞ്ഞു.
ഡോ SAF ഉപയോഗിച്ച് 80% വരെ കാർബൺ പുറന്തള്ളൽ കുറയ്ക്കാൻ കഴിയും, എന്നാൽ വലിയ തോതിൽ വിപണിയിൽ എത്തിക്കാൻ മൾട്ടി-സെക്ടർ സഹകരണം അത്യാവശ്യമാണെന്ന്
. മുഹമ്മദ് സൈഫ് അൽ കുവാരി വ്യക്തമാക്കി.
ആഗോള എവിയേഷൻ മേഖല ഡീകാർബണൈസേഷൻ ലക്ഷ്യമാക്കി വലിയ മാറ്റത്തിലൂടെയാണ് കടന്നുപോകുന്നത്. Qatar Airways പുതിയ ഇന്ധനങ്ങളും സാങ്കേതിക വിദ്യകളും പരീക്ഷിക്കുന്നതിൽ പ്രധാന പങ്കുവഹിക്കുമെന്ന്
QCAA പ്രസിഡന്റ് മുഹമ്മദ് ബിൻ ഫലേഹ് അൽ ഹജ്രി പറഞ്ഞു.
ഗവേഷണ പദ്ധതികൾ പ്രാദേശിക വിഭവങ്ങളിൽ നിന്ന് SAF നിർമ്മിക്കൽ, സാമ്പത്തിക-പരിസ്ഥിതിക സ്വാധീന വിലയിരുത്തൽ, ഇൻഫ്രാസ്ട്രക്ചർ ഇന്റഗ്രേഷൻ എന്നിവ ഉൾക്കൊള്ളുന്നു.
ഈ മുന്നൊരുക്കങ്ങൾ താഴ്ന്ന-കാർബൺ സമ്പദ്‌വ്യവസ്ഥയും വളർച്ചയും ഒരേസമയം ഉറപ്പാക്കാനും, ഖത്തറിനെ പരിസ്ഥിതി നവീകരണത്തിലെ നേതാവാക്കി മാറ്റാനും ലക്ഷ്യമിടുന്നു.