ഗോവ: ഏഷ്യ വൈന് ചലഞ്ച് 2026ല് ഗോവ ആസ്ഥാനമായി പ്രവര്ത്തിക്കുന്ന ഇന്ഡോ പസഫിക് ബിവറേജസ് എല്എല്പിക്ക് പുരസ്കാര നേട്ടം. കമ്പനിയുടെ ലാ ഫ്രാന്സ് പ്രീമിയം ബ്രാന്ഡി ഇ 7 ഗോള്ഡ് മെഡലും മൊഗള് മോണാര്ക്ക് റെയര് പ്രീമിയം വിസ്കി ഇ 9 ബ്രോണ്സ് മെഡലും നേടി.
ഏഷ്യന് വിപണിയെ കേന്ദ്രീകരിച്ച് സംഘടിപ്പിച്ച മത്സരത്തില് വിവിധ രാജ്യങ്ങളില് നിന്നുള്ള വൈന്, സ്പിരിറ്റ്സ് ഉത്പന്നങ്ങള് വിലയിരുത്തിയ ശേഷമാണ് പുരസ്കാരങ്ങള് പ്രഖ്യാപിച്ചത്. ഏഷ്യന് മേഖലയിലെ വിവിധ വിപണികളില് നിന്നുള്ള വ്യവസായ രംഗത്തെ വാങ്ങല് വിദഗ്ധരാണ് വിധിനിര്ണയത്തില് പങ്കെടുത്തത്.
ലാ ഫ്രാന്സ് പ്രീമിയം ബ്രാന്ഡി ഇ 7 നേടിയ ഗോള്ഡ് മെഡല് കമ്പനിയുടെ അന്താരാഷ്ട്ര വിപണി വികസന പ്രവര്ത്തനങ്ങള്ക്ക് പ്രധാന അംഗീകാരമാണെന്ന് ഇന്ഡോ പസഫിക് ബിവറേജസ് സ്ഥാപകനും സി ഇ ഒയുമായ രാജ്കുമാര് ടി പി പറഞ്ഞു.
വൈന്, സ്പിരിറ്റ്സ് മേഖലയില് ശ്രദ്ധേയമായ നിരവധി രാജ്യങ്ങളില്നിന്നുള്ള നിര്മാതാക്കളും ബ്രാന്ഡുകളും 2026ലെ മത്സരത്തില് പങ്കെടുത്തു. ഡി എഫ് ജെ വിനോസ്, ഗ്രീന്പൈപ്പര് വൈന്സ്, വേക്ക്ഫീല്ഡ് ടെയ്ലേഴ്സ് വൈന്സ് തുടങ്ങിയ പുരസ്കാര ജേതാക്കളായ നിര്മാതാക്കളും ഏഷ്യ വൈന് ചലഞ്ചിന്റെ മുന്കാല, നിലവിലെ പട്ടികയില് ഉള്പ്പെടുന്നുണ്ട്.
അന്താരാഷ്ട്ര തലത്തില് ബ്രാന്ഡുകളുടെ വിപണി വികസിപ്പിക്കുന്നതിനും ഉത്പന്നനിര വിപുലീകരിക്കുന്നതിനുമുള്ള കമ്പനിയുടെ പ്രവര്ത്തനങ്ങള്ക്ക് പുരസ്കാര നേട്ടം കൂടുതല് ആത്മവിശ്വാസം നല്കുമെന്ന് ഇന്ഡോ പസഫിക് ബിവറേജസ് അറിയിച്ചു.
അന്താരാഷ്ട്ര ബ്രാന്ഡ് വികസനത്തിന്റെയും വിപണി വിപുലീകരണത്തിന്റെയും ഭാഗമായി ഏഷ്യ വൈന് ചലഞ്ചില്നിന്ന് ലഭിച്ച അംഗീകാരം ഉപയോഗപ്പെടുത്താനാണ് കമ്പനിയുടെ തീരുമാനം.
ഗോവ ആസ്ഥാനമായി പ്രവര്ത്തിക്കുന്ന ഇന്ഡോ പസഫിക് ബിവറേജസ് എല്എല്പി ഇന്ത്യന് വിപണിക്കും അന്താരാഷ്ട്ര വിപണികള്ക്കുമായി വൈന്, സ്പിരിറ്റ്സ് ഉത്പന്നങ്ങള് വികസിപ്പിക്കുകയും വിതരണം ചെയ്യുകയും ചെയ്യുന്ന കമ്പനിയാണ്. ബ്രാന്ഡ് വികസനം, നിര്മാണം, അന്താരാഷ്ട്ര വിതരണം എന്നിവയില് ശ്രദ്ധ കേന്ദ്രീകരിക്കുന്ന കമ്പനിക്ക് വിദേശ വിപണികളില് സാന്നിധ്യം വര്ധിപ്പിക്കാനുള്ള പദ്ധതികളുണ്ട്.
Photo Courtesy - Google
