തിരുവനന്തപുരം: എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനെതിരെ രൂക്ഷ വിമർശനവുമായി ഗോകുലം ഗോപാലൻ രംഗത്ത്. പണത്തിന്റെയും സ്വാധീനത്തിന്റെയും ബലത്തിലാണ് വെള്ളാപ്പള്ളി സംഘടനയുടെ നേതൃത്വം നിലനിർത്തുന്നതെന്ന് അദ്ദേഹം ആരോപിച്ചു.
വെള്ളാപ്പള്ളി നൽകുന്ന ആനുകൂല്യങ്ങൾ സ്വീകരിക്കുന്നവർക്ക് മാത്രമാണ് പ്രസിഡന്റായോ സെക്രട്ടറിയായോ അദ്ദേഹത്തോടൊപ്പം പ്രവർത്തിക്കാൻ കഴിയുന്നതെന്നും ഗോകുലം ഗോപാലൻ പറഞ്ഞു. സംഘടനയ്ക്കുള്ളിൽ ന്യായമായ എതിർപ്പുകൾ ഉയർന്നാൽ അതത് കമ്മിറ്റികൾ പിരിച്ചുവിട്ട് അഡ്മിനിസ്ട്രേറ്റർ ഭരണം ഏർപ്പെടുത്തുന്ന രീതിയാണ് ഇപ്പോൾ തുടരുന്നതെന്നും അദ്ദേഹം വിമർശിച്ചു.
വെള്ളാപ്പള്ളി നടേശന് പത്മ പുരസ്കാരം നൽകിയതിലൂടെ ആ ബഹുമതിയുടെ മൂല്യം തന്നെ നഷ്ടപ്പെട്ടുവെന്നും ഗോകുലം ഗോപാലൻ ആരോപിച്ചു. വെള്ളാപ്പള്ളി ഒരു "ദുഷ്ട രാജാവിനെ" പോലെയാണ് പ്രവർത്തിക്കുന്നതെന്നും സംഘടനാ അംഗങ്ങൾക്ക് അവകാശപ്പെട്ട സ്വത്തുക്കളും ആസ്തികളും സ്വന്തം നിയന്ത്രണത്തിലാക്കി ഉപയോഗിക്കുകയാണെന്നും അദ്ദേഹം ആരോപിച്ചു.
