കൊച്ചി: വെളിച്ചവും സംസ്കാരവും സാമൂഹികതയും ചേരുന്ന ഗ്ലോ കൊച്ചി ആഘോഷം 18, 19 തിയ്യതികളിൽ എറണാകുളം രാജേന്ദ്ര മൈതാനിയിൽ നടക്കും. വൈകിട്ട് മൂന്നു മുതൽ രാത്രി 12 വരെയാണ് പരിപാടി നടക്കുക.
“ഇല്ലൂമിനേറ്റ് കൊച്ചി” എന്ന പ്രമേയത്തിൽ നടക്കുന്ന ഗ്ലോ കൊച്ചി പരിപാടിയിൽ കുടുംബങ്ങൾ, കലാകാരന്മാർ, വിദ്യാര്‍ഥികൾ, ചെറുകിട സംരംഭകർ തുടങ്ങിയവർക്ക് പങ്കെടുക്കാവുന്നതാണ്.
എൽ ഇ ഡി വസ്ത്രങ്ങളും ആക്സസറികളും ഉപയോഗിച്ചുള്ള ഗ്ലോ പരേഡ്, കലയും സാങ്കേതികതയും ചേരുന്ന ഇന്ററാക്ടീവ് ലൈറ്റ് ഇൻസ്റ്റലേഷൻസ്, സംഗീതം, നൃത്തം, ഡാൻഡിയ തുടങ്ങിയ നൈറ്റ് എന്റർടെയ്ൻമെൻ്റുകൾ അടങ്ങി ലൈവ് പെർഫോമൻസ്, ഫെയ്‌സ് പെയിന്റിങ്, യു വി ഗെയിമുകൾ, ഗ്ലോ ആക്ടിവിറ്റികൾ ഉൾപ്പെടുന്ന കിഡ്സ് ഗ്ലോ സോൺ, ഭക്ഷണശാലകളും ഹാൻഡ്‌മേഡ് ഉത്പന്നങ്ങളുമുളള നൈറ്റ് ബസാറിൻ്റെ ഫൂഡ് ആൻ്റ് ഫ്ലീ മാർക്കറ്റ്, പ്രതീക്ഷയുടെ സന്ദേശം പ്രകാശിപ്പിക്കുന്ന കമ്യൂണിറ്റി വാൾ ഓഫ് ലൈറ്റ് എന്നിവ ഗ്ലോ കൊച്ചിയിലുണ്ടാവും.
100 രൂപയാണ് ടിക്കറ്റ് ചാർജ്. വിദ്യാർഥികൾക്ക് 50 രൂപയും നാലും പേർ അടങ്ങുന്ന സംഘത്തിന് 250 രൂപയുമാണ് നിരക്ക്. കൂടുതൽ വിവരങ്ങൾക്ക് 7306200075 എന്ന നമ്പറിൽ ബന്ധപ്പെടാവുന്നതാണ്.
