ദോഹ: ഖത്തറിലെ എല്ലാത്തരം ജലയാനങ്ങൾക്കും കപ്പലുകൾക്കും ഇന്ന് (ജൂലൈ 26, ഞായർ) മുതൽ കടൽയാത്രകൾ പുനരാരംഭിക്കാൻ പൂർണ്ണ അനുമതി നൽകിയതായി ഗതാഗത മന്ത്രാലയം (MOT) അറിയിച്ചു. രാജ്യത്തെ തീരദേശങ്ങളിൽ എല്ലാത്തരം കപ്പൽ ഗതാഗത പ്രവർത്തനങ്ങളും പൂർണ്ണതോതിൽ പുനഃസ്ഥാപിച്ചതായി മന്ത്രാലയം ഔദ്യോഗിക പത്രക്കുറിപ്പിൽ വ്യക്തമാക്കി.എല്ലാ ബോട്ട്, കപ്പൽ ഉടമകളും ഓപ്പറേറ്റർമാരും നാവികരും നിലവിലുള്ള വിനിമയ/സമുദ്ര നിയമങ്ങളും സുരക്ഷാ നിർദ്ദേശങ്ങളും കർശനമായി പാലിക്കണമെന്നും യാത്ര തിരിക്കുന്നതിന് മുൻപും യാത്രയിലുടനീളവും ആവശ്യമായ എല്ലാ ജീവൻരക്ഷാ ഉപകരണങ്ങളും സുരക്ഷാ സംവിധാനങ്ങളും യാനങ്ങളിൽ സജ്ജമാണെന്ന് ഉറപ്പുവരുത്തേണ്ടതാണെന്നും മന്ത്രാലയം നിർദ്ദേശിച്ചു.യാത്രക്കാരുടെയും ജീവനക്കാരുടെയും പൂർണ്ണമായ സുരക്ഷയും ഭദ്രതയും ഉറപ്പാക്കുന്നതിന് മന്ത്രാലയത്തിന്റെ നിർദ്ദേശങ്ങൾ കൃത്യമായി പാലിക്കേണ്ടത് അനിവാര്യമാണെന്ന് അധികൃതർ ഓർമ്മിപ്പിച്ചു.
