വെൺമണി: മാർത്തോമ്മ സഭയിലെ സീനിയർ വൈദികനും, കൺവൻഷൻ പ്രാസംഗികനും ആയിരുന്ന വെൺമണി , വാതല്ലൂർ, വെട്ടത്തേത്ത്
റവ.ഫിലിപ്പ് വർഗീസ് (87) അമേരിക്കയിലെ ഡെട്രോയിറ്റിൽ നിര്യാതനായി. സംസ്കാര ശ്രുശുഷ സെപ്റ്റംബർ മാസം 13 ന് രാവിലെ 9 മണിക്ക് ഡെട്രോയിറ്റ് മാർത്തോ മ്മപള്ളിയിൽ. പരേതരായ വി. ഇ. ഫിലിപ്പ്- ഗ്രേസി ഫിലിപ്പ് ദമ്പതികളുടെ മകനാണ്. കാട്ടാക്കട,നെടുവാളൂർ, ആനിക്കാട്, കരവാളൂർ,നിരണം, കുറിയന്നൂർ, മുളക്കുഴ, കീക്കൊഴൂർ, പെരുമ്പാവൂർ, നാക്കട എന്നീ ഇടവകകളിൽ വികാരിയായി സേവനം അനുഷ്ടിച്ചിരുന്നു.
1991 ൽ അമേരിക്കയിൽ എത്തിയ ശേഷം ഡെട്രോയിറ്റ്, അറ്റ്ലാന്റ, ചിക്കാഗോ, ഫ്ലോറിഡ, ഇന്ത്യനാപോലിസ്, ഡാലസ്, കാനഡ എന്നി സ്ഥലങ്ങളിൽ ഉള്ള ഇടവകകളിൽ ശുശ്രൂഷ നടത്തി.
ഡെട്രോയിറ്റിൽ വിശ്രമ ജീവിതം നയിച്ചു വരികയായിരുന്നു. ഭാര്യ ഡോ. എൽസി വരുഗീസ്.
മക്കൾ: ഫിലിപ്പ് വർഗീസ്(ജിജി), ജോൺ വറുഗീസ് (ജോജി), ഗ്രേസ് തോമസ് (ശാന്തി)
മരുമക്കൾ: മിനി വർഗീസ് , സുനിത വർഗീസ്, ബിനോ തോമസ് .
