തമിഴ് സിനിമയിലെ മുൻനിര നടന്മാരിൽ ഒരാളായ രവി മോഹൻ ഇപ്പോൾ അഭിനയിച്ചുകൊണ്ടിരിക്കുന്ന ചിത്രങ്ങൾ 'കരാത്തേ ബാബു', 'ബെൻസ്', 'ബ്രോ ക്ലബ്' തുടങ്ങിയവയാണ്. അതോടൊപ്പം
'രവി മോഹൻ സ്റ്റുഡിയോസ്' എന്ന പുതിയ ചലച്ചിത്ര നിർമ്മാണ സ്ഥാപനവും ആരംഭിച്ചിരിക്കുന്ന രവിമോഹൻ, ഈ ബാനറിൽ 'ഏൻ ഓർഡിനറി മാൻ' എന്ന ചിത്രം സംവിധാനം ചെയ്തു നിർമ്മിക്കുകയും ചെയ്യുന്നുണ്ട്. തമിഴ് സിനിമയിലെ ഇപ്പോഴത്തെ പ്രശസ്ത ഹാസ്യ നടന്മാരിൽ ഒരാളായ 'യോഗി' ബാബുവാണ് ഈ സിനിമയിൽ നായകനായി അഭിനയിക്കുന്നത്. ഈ ചിത്രത്തിന്റെ ചിത്രീകരണം നടന്നു വരികയാണ്. ആദ്യം ജി.വി.പ്രകാശ് ആണ് ഈ സിനിമക്ക് സംഗീതം നൽകുന്നത് എന്നുള്ള വാർത്തകൾ പുറത്തുവന്നിരുന്നു. എന്നാൽ ഇപ്പോൾ പുറത്തുവന്നിരിക്കുന്ന വാർത്ത മറ്റൊന്നാണ്! അതായത് രവി മോഹന്റെ തോഴിയും, ഗായികയുമായ കെനിഷയാണത്രെ ഈ ചിത്രത്തിന് സംഗീതം നൽകുന്നത്. ഉടൻ തന്നെ ഇത് സംബന്ധിച്ച ഔദ്യോഗിക അറിയിപ്പ് പുറത്തുവരുമെന്നാണ് പറയപ്പെടുന്നത്.
Photo Courtesy - Google
