ദോഹ: ഖത്തറിന്റെ സമ്പന്നമായ സമുദ്ര പൈതൃകംപ്രതിഫലി പ്പിക്കുന്ന മത്സ്യബന്ധന പ്രദർശനത്തിന്
ഓൾഡ് ദോഹ തുറമുഖത്ത് തുടക്കമായി. നാല് ദിവസം നീണ്ടു നിൽക്കുന്ന പ്രദർശനനഗരിയിൽ
30 ലധികം പ്രദർശകരും മത്സ്യബന്ധനത്തിൽ വൈദഗ്ദ്ധ്യം നേടിയ 150-ലധികം പ്രാദേശിക ബ്രാൻഡുകളും ഉൾപ്പെടുന്നു. പരിചയസമ്പന്നരായ മത്സ്യത്തൊഴിലാളികൾ മുതൽ മത്സ്യബന്ധന സാഹസികത ആസ്വദിക്കുന്നവർ വരെയുള്ള വിവിധ വിഭാഗങ്ങളിലെ കടൽ സഞ്ചാരികൾക്കും പൊതുജനങ്ങൾക്കും അവിസ് മരണീയമായ അനുഭവമാകുമെന്ന്
ഓൾഡ് ദോഹ പോർട്ട് സിഇഒഎഞ്ചിനീയർ അൽ മുല്ല പറഞ്ഞു. ഖത്തരി സമൂഹത്തിന്റെ മനസ്സാക്ഷിയിൽ ആഴത്തിൽ വേരൂന്നിയ ഒരു പ്രധാന സാംസ്കാരിക സ്തംഭമായി സമുദ്ര പൈതൃകത്തിന്റെ സാന്നിധ്യം എടുത്തുകാണിക്കുന്നതിനൊപ്പം മൗലികതയും സങ്കീർണ്ണതയും സമന്വയിപ്പിക്കുന്ന ഈ പരിപാടിക്ക് ആതിഥേയത്വം വഹിക്കുന്നതിൽ പഴയ ദോഹ തുറമുഖം അഭിമാനിക്കുന്നുവെന്ന് അദ്ദേഹം പറഞ്ഞു.സന്ദർ ശകർക്ക് ഖത്തറി രുചികളിൽ നിന്ന് പ്രചോദനം ഉൾക്കൊണ്ട പരമ്പരാഗത ഭക്ഷണങ്ങൾ പരീക്ഷിക്കാനും സമുദ്ര മേഖലയിലെ ഏറ്റവും പ്രധാനപ്പെട്ട ഉൽപ്പന്നങ്ങളുടെ പ്രദർശനങ്ങൾ ആസ്വദിക്കാനും അവസരമുണ്ട്.
രാജ്യത്തിന്റെ സമുദ്ര സംസ്കാരത്തിന്റെയും, പുരാതന കരകൗശല വസ്തുക്കളുടെയും ആഘോഷമായ പ്രദർശനത്തിൽ തത്സമയ കലാപ്രകടനങ്ങൾക്കൊപ്പം300,000 റിയാലിലധികം സമ്മാനങ്ങൾ നൽകുന്ന
മത്സരങ്ങളുംപ്രദർശനത്തിന്റെ സവിശേഷതയാണ്.
പഴയ ദോഹ തുറമുഖത്തിലെ മിന പാർക്കിൽ ദിവസവും വൈകുന്നേരം 4 മുതൽ രാത്രി 9 വരെയാണ്പ്രവേശനം. ഏപ്രിൽ 12 ന് പ്രദർശനം സമാപിക്കും.
