ദോഹ: ഖത്തർ ഡിസംബർ മാസത്തിൽ നടക്കുന്ന ഫിഫ ഇന്റർകോണ്ടിനെന്റൽ കപ്പ് 2025-ന്റെ അവസാന മൂന്ന്മത്സരങ്ങൾക്ക്ഖത്തർ വേദിയാകും. ലോകത്തിലെ മികച്ച ക്ലബ് ടീമിനെ കണ്ടെത്തുന്ന പ്രശസ്തമായ ക്ലബ് മത്സരങ്ങൾ ഡിസംബർ 10, 13, 17 തീയതികളിൽ ദോഹയിൽ നടക്കുമെന്ന് ഫിഫയും അറാംകോയും അവതരിപ്പിക്കുന്ന ടൂർണമെന്റിന്റെ ലോക്കൽ ഓർഗനൈസിങ് കമ്മറ്റി അറിയിച്ചു.
ഡിസംബർ 10 – FIFA Derby of the Americas
മെക്സിക്കോയിലെ ക്രൂസ് അസുൽ (Concacaf ചാമ്പ്യൻസ് കപ്പ് ജേതാക്കൾ) vs കോപ്പ ലിബർടാഡോറെസ് 2025 ജേതാക്കൾ
ഡിസംബർ 13 – FIFA Challenger Cup
പിറമിഡ്സ് എഫ്.സി. (ഈജിപ്ത്, CAF ചാമ്പ്യൻസ് ലീഗ് ജേതാക്കൾ) vs മത്സരം 3-ലെ ജേതാക്കൾ
ഡിസംബർ 17 – FIFA Intercontinental Cup Final
പാരിസ് സെയ്ന്റ് ജർമെയിൻ (ഫ്രാൻസ്, UEFA ചാമ്പ്യൻസ് ലീഗ് 2025 ജേതാക്കൾ) vs മത്സരം 4-ലെ ജേതാക്കൾ
ഖത്തർ ഇതിനുമുമ്പ് 2019, 2020, 2024-ൽ ഈ വാർഷിക ക്ലബ് മത്സരം വിജയകരമായി ആതിഥേയത്വം വഹിച്ചു. 2024-ൽ ലുസൈൽ സ്റ്റേഡിയത്തിൽ നടന്ന ഫൈനലിൽ റയൽ മാഡ്രിഡ് കിരീടം നേടി.
ഇതോടെ നവംബർ 3 മുതൽ 27 വരെ നടക്കുന്ന ഫിഫ അണ്ടർ-17 വേൾഡ് കപ്പ് ഖത്തർ 2025, ഡിസംബർ 1 മുതൽ 18 വരെ നടക്കുന്ന ഫിഫ അറബ് കപ്പ് 2025 എന്നിവയ്ക്കൊപ്പം, ഖത്തർ തുടർച്ചയായി ലോകോത്തര ഫുട്ബോൾ വിരുന്നുകൾക്ക് വേദിയാകുന്നു. മത്സരങ്ങൾക്കിടയിലുള്ള ‘റെസ്റ്റ് ഡേയ്സ്’-ലാണ് ഇന്റർകോണ്ടിനെന്റൽ കപ്പ് നടക്കുക എന്നത് ഖത്തറിന്റെ ഒരുമിച്ചുള്ള പല അന്തർദേശീയ ഇവന്റുകൾ വിജയകരമായി കൈകാര്യം ചെയ്യാനുള്ള ശേഷി വീണ്ടും തെളിയിക്കുന്നു.
