ദോഹ: ഡിസംബർ 1–18 വരെ നടക്കുന്ന FIFA Arab Cup Qatar 2025™ ടൂർണമെന്റിന്റെ ഔദ്യോഗിക സൗണ്ട്ട്രാക്ക് പുറത്തിറങ്ങി. ‘Zamani’യും ‘Makani’യും എന്ന രണ്ട് ഗാനങ്ങളാണ് ഖത്തർ ആസ്ഥാനമായ Katara Studios നിർമിച്ചത്.
‘Zamani’ എന്നത് ഖത്തറി ഗായകൻ ഹമദ് അല് ഖസീന ആലപിച്ച ഉത്സാഹഭരിതമായ ഗാനം. ആഗ്രഹം, പരിശ്രമം, വിജയത്തിന്റെ സന്തോഷം എന്നിവയാണ് ഇതിന്റെ മുഖ്യ സന്ദേശം.
‘Makani’ എന്ന രണ്ടാം ഗാനം പ്രശസ്ത ഈജിപ്ഷ്യൻ ഗായകൻ മുഹമ്മദ് മുനീര് ആലപിച്ചതാണ്. ‘എന്റെ സ്ഥലം’ എന്ന അർത്ഥമുള്ള ഈ ഗാനം അറബ് ഐക്യവും സംസ്കാരപരമായ അടുപ്പവും നിറഞ്ഞ സന്ദേശമാണ് പങ്കുവയ്ക്കുന്നത്.
സംഗീതം ഒരുക്കിയത് ഫിഫ ലോകകപ്പ് ഖത്തർ 2022-ലെ ‘Arhbo’, ‘Dreamers’ തുടങ്ങിയ ഹിറ്റുകൾ സൃഷ്ടിച്ച RedOne ആണ്.
ആകെ 16 ടീമുകൾ പങ്കെടുക്കുന്ന അറബ് ലോകത്തിലെ ഏറ്റവും വലിയ ഫുട്ബോൾ ടൂർണമെന്റിന് കാത്തിരിക്കുമ്പോൾ സൗണ്ട്ട്രാക്ക് ആരാധകരിൽ ആവേശം വർധിപ്പിക്കുന്നു.
