ദോഹ: ലേബർ നിയമങ്ങളും തൊഴിൽ നയങ്ങളും കൃത്യമായി പാലിക്കുന്ന സ്വകാര്യ മേഖലയിലെ കമ്പനികൾക്കായി ഖത്തർ തൊഴിൽ മന്ത്രാലയം നടപ്പിലാക്കുന്ന 'ട്രസ്റ്റഡ് എംപ്ലോയർ' (Trusted Employer) പദ്ധതിയുടെ രണ്ടാം ഘട്ടത്തിന് തുടക്കമായി. ഇതിന്റെ ഭാഗമായി സ്വകാര്യ കമ്പനികളുടെ പ്രതിനിധികൾക്കായി തൊഴിൽ മന്ത്രാലയം പ്രത്യേക വിശദീകരണ യോഗം സംഘടിപ്പിച്ചു.
തൊഴിൽ വിപണിയിലെ സുതാര്യത വർദ്ധിപ്പിക്കാനും വ്യവസ്ഥകൾ പാലിക്കുന്ന സ്ഥാപനങ്ങൾക്ക് കൂടുതൽ സേവനങ്ങൾ വേഗത്തിൽ ലഭ്യമാക്കാനും ലക്ഷ്യമിട്ടാണ് പദ്ധതി നടപ്പിലാക്കുന്നത്. ഖത്തർ നാഷണൽ വിഷൻ 2030-ന്റെ ഭാഗമായാണ് ഈ തന്ത്രപ്രധാന നീക്കം.വിദേശ തൊഴിലാളികളെ നിയമിക്കുന്നതിനുള്ള വർക്ക് വിസ നടപടിക്രമങ്ങളും അനുമതികളും വേഗത്തിലാക്കും.ഖത്തർ തൊഴിൽ നിയമങ്ങളുടെ കൃത്യമായ പാലനം.
വേതന സംരക്ഷണ സംവിധാനം (WPS) കൃത്യമായി പിന്തുടരൽ.
സ്വകാര്യ മേഖലയിലെ തദ്ദേശീയവൽക്കരണ (Localization) നിയമങ്ങൾ നടപ്പിലാക്കൽ.
നികുതി അനുസരണവും (Tax Compliance) തൊഴിലാളികളുടെ വിവരങ്ങൾ രജിസ്റ്റർ ചെയ്യുന്നതിലെ സുതാര്യതയും.
തൊഴിലാളികളുടെ അവകാശ സംരക്ഷണവും റിക്രൂട്ട്മെന്റ് നടപടികളിലെ വിശ്വസ്തതയും.തി
തുടങ്ങിയകർശനമായ മാനദണ്ഡങ്ങളുടെ അടിസ്ഥാനത്തിലായിരിക്കുംപദ്ധതിയുടെ പൈലറ്റ് ഘട്ടത്തിലേക്ക് അർഹരായ കമ്പനികളെ തിരഞ്ഞെടുക്കുന്നത്.
വിവിധ സർക്കാർ ഏജൻസികളുമായും മറ്റ് പ്രധാന പങ്കാളികളുമായും സഹകരിച്ച് പദ്ധതിയുടെ അടുത്ത ഘട്ടങ്ങൾ കൂടുതൽ വ്യാപിപ്പിക്കാനാണ് തൊഴിൽ മന്ത്രാലയം ലക്ഷ്യമിടുന്നത്.
